नेपाल कम्युनिष्ट पार्टी निकट वाम बुद्धिजीवी तथा पेसाकर्मी निर्वाचन परिचालन मूल समितिले प्रतिनिधिसभा निर्वाचनसम्बन्धी समीक्षा र सुझावसहितको प्रतिवेदन पार्टी संयोजक पुष्पकमल दाहाल प्रचण्डलाई हस्तान्तरण गरेको छ।

पार्टी केन्द्रीय कार्यालयमा आयोजित कार्यक्रममा समितिका संयोजक विष्णुपुकार श्रेष्ठले प्रतिवेदन बुझाएका हुन्। उक्त अवसरमा दाहालले प्राप्त सुझाव कार्यान्वयन गर्ने प्रतिबद्धता जनाए।

उनले पार्टीलाई विचार र संगठन दुवै रूपमा सुदृढ बनाउँदै जनसरोकारका मुद्दामा सक्रिय बनाउने बताए। साथै प्रतिवेदन अध्ययनपछि जनस्तरबाट संघर्ष अघि बढाइने उल्लेख गरे।

कार्यक्रममा नन्दकिशोर पुन र देवप्रसाद गुरुङ लगायत नेताहरूको उपस्थिति रहेको थियो।