२६ जेठ २०८३, मंगलबार
बाँकेको नेपालगन्ज उपमहानगरपालिका- ३ एकलैनीबाट स्रोत नखुलेको ६ लाख भारतीय रुपैयाँसहित २ जना पक्राउ परेका छन् । उनीहरूलाई प्रहरीले बिहीबार दिउँसो पक्राउ गरेको हो ।
पक्राउ पर्नेहरूमा नरैनपुर गाउँपालिका- ५ बस्ने २९ वर्षीय वीरबल कुम्हार र सोही गाउँपालिका- ४ बस्ने ३८ वर्षीय मुनिफ खाँ रहेका छन् ।
जिल्ला प्रहरी कार्यालय बाँके र वडा प्रहरी कार्यालय नेपालगन्जबाट खटिएको प्रहरीले उनीहरूलाई उक्त नगदसहित पक्राउ गरेको हो ।
थप अनुसन्धान भइरहेको प्रहरीले जनाएको छ ।
