२७ जेठ २०८३, बुधबार
अमेरिकी विदेशमन्त्री मार्को रुबियो भारतको आफ्नो पहिलो आधिकारिक भ्रमणको लागि शनिबार बिहान कोलकाता आइपुगेका छन् । भारतका लागि अमेरिकी राजदूत सर्जियो गोरले सामाजिक सञ्जाल प्लेटफर्म इन्स्टाग्राममा यो घोषणा गरेका छन् ।
उनले नयाँ दिल्लीमा प्रधानमन्त्री नरेन्द्र मोदीसँग भेट गर्नेछन् ।
सर्जियो गोरले इन्स्टाग्राममा लेखे, 'मार्को रुबियो भारतको भ्रमणमा छन्। उनी शनिबार कोलकाता आइपुगेका थिए, जुन उनको भारतको पहिलो भ्रमण हो । उनले नयाँ दिल्लीमा प्रधानमन्त्री नरेन्द्र मोदीसँग भेट गर्नेछन्। बैठकमा व्यापार, प्रविधि, रक्षा, क्वाड र अन्य धेरै मुद्दाहरूमा छलफल गर्ने कार्यक्रम छ।'
क्वाड बैठक अमेरिका-भारत साझेदारीलाई अझ बलियो बनाउने ट्रम्पको दृष्टिकोणलाई अगाडि बढाउनमा केन्द्रित रहने उनले बताए ।
यस अवधिमारुबियोले कोलकाता, आगरा, जयपुर र नयाँ दिल्लीको भ्रमण गर्नेछन्।
रुबियो क्वाड विदेशमन्त्रीहरूको बैठकमा भाग लिन नयाँ दिल्लीमा छन् । क्वाडमा अमेरिका, जापान, भारत र अष्ट्रेलिया समावेश छन् ।
