युक्रेनको संसदले बिहीबार युक्रेन र युरोपेली सङ्घबीचको ऋण सम्झौतालाई अनुमोदन गर्ने पक्षमा मतदान गरेको छ ।

इयुको सहयोगमा भएको ऋण सम्झौताको अनुमोदन गर्दै युक्रेनको लागि आर्थिक बर्ष सन् २०२६ र सन् २०२७ मा ईयूबाट ९० अर्ब युरो (१०४.७ बिलियन अमेरिकी डलर) प्राप्त गर्न कानुनी प्रक्रिया अघि बढाउने निर्णय गरिएको छ, युक्रेनको अर्थ मन्त्रालयले एक विज्ञप्तिमा उल्लेख गरेको छ।

अर्थमन्त्री सर्गेई मार्चेन्कोले भने, “यो ऋणले युक्रेनको समष्टिगत वित्तीय स्थिरता कायम राख्न, प्राथमिकता बजेट खर्चको वित्तपोषण गर्न र रूससँगको द्वन्द्वको बीचमा देशको रक्षा क्षमता सुदृढ गर्न महत्त्वपूर्ण साधनको रूपमा काम गर्नेछ।”

सम्झौता अन्तर्गत युक्रेनको रक्षा तथा औद्योगिक क्षमतालाई बलियो बनाउनका लागि ६० अर्ब युरो खर्च गरिनेछ भने राज्यको बजेटका लागि ३० अर्ब युरो विनियोजन गरिनेछ।

युक्रेनले आगामी हप्ताहरूमा ३.२ अर्ब युरो बराबरको सहायताको पहिलो किस्ता प्राप्त गर्ने अपेक्षा गरेको मार्चेन्कोले बताएका छन् ।