सरकारले सुनकोशी–मरिण डाइभर्सन आयोजनाको बाँध र विद्युतगृह निर्माणका लागि पुनः ठेक्का लगाएर चार वर्षभित्र सम्पन्न गर्नेगरी निर्माण कार्य शुरू गरिने घोषणा गरेको छ । 

संघीय संसद्अन्तर्गत प्रतिनिधिसभा र राष्ट्रिय सभाको संयुक्त बैठकमा आर्थिक वर्ष २०८३र०८४ को बजेट प्रस्तुत गर्दै अर्थमन्त्री अर्थमन्त्री स्वर्णिम वाग्लेले उक्त आयोजनाका लागि चालु आर्थिक वर्षमा दुई अर्ब ९८ करोड रुपैयाँ विनियोजन गरिएको जानकारी दिए । 

त्यसैगरी, बागमती सिँचाइ आयोजनाको स्तरोन्नति गरी सुनकोशी–मरिण डाइभर्सन आयोजनाबाट थप हुने पानी उपयोग गर्ने योजना सरकारले अघि बढाएको छ।

बजेट वक्तव्यअनुसार बारा, रौतहट, सर्लाही, महोत्तरी र धनुषा जिल्लाका एक लाख २२ हजार हेक्टर खेतीयोग्य जमिनमा सिँचाइ सुविधा विस्तार गर्न ५३ करोड रुपैयाँ छुट्याइएको छ।