०१ असार २०८३, सोमबार
पर्सा जिल्ला अदालतले वीरगञ्ज महानगरपालिकाका मेयर राजेशमान सिंहलाई धरौटीमा छाड्न आदेश दिएको छ ।
अदालतका न्यायाधीश गायत्रीप्रसाद रेग्मीको इजलासले मंगलबार उनीसँग धरौटी लिएर मुद्दाको पुर्पक्ष गर्न आदेश गरेको हो ।
लिखतसम्बन्धी कसुरमा ४ लाख र झुट्टा विवरण पेश गरी नागरिकता लिएकोमा १५ हजार रुपैयाँ धरौटीमा भएको पर्सा जिल्ला अदालतका सूचना अधिकारी जयनारायण यादवले लोकान्तरलाई जानकारी दिए ।
यादवका अनुसार अहिले सिंह धरौटी बुझाउने प्रक्रियामा रहेका छन् ।
लियाकत अलीको जाहेरीका आधारमा प्रहरीले सिंहलाई मंगलबार बिहान पक्राउ गरी अदालतमा बुझाएको थियो ।
पक्राउ पुर्जी जारी भएपछि उनी फरार रहेका थिए ।
