२३ जेठ २०८३, शनिबार
तनहुँको देवघाट गाउँपालिका–४ गाईघाटस्थित त्रिशूली नदीमा माछा मार्ने क्रममा आज बिहान एक किशोर नदीमा डुबेर बेपत्ता भएका छन् ।
स्थानीय १५ वर्षीय प्रवीण भुजेल बल्छीले माछा मार्ने क्रममा बल्छी तान्दा चिप्लिएर नदीमा खसेका थिए ।
नदीमा खसेपछि उनी बेपत्ता भएको प्रहरीले जनाएको छ ।
घटनाको जानकारी प्राप्त हुनासाथ इलाका प्रहरी कार्यालय देवघाटका इन्चार्ज प्रहरी नायब निरीक्षक तीर्थराज शर्माको कमान्डमा प्रहरी टोली परिचालन गरी खोजी शुरू गरेको जनाइएको छ ।
