सर्वोच्च अदालतले एमाले उपाध्यक्ष एवं पूर्वअर्थमन्त्री विष्णु पौडेललाई गैरकानूनी रूपमा थुनामा राखिएको दाबी गरिएको रिट खारेज गरेको छ।

न्यायाधीशद्वय विनोदकुमार शर्मा र नित्यानन्द पाण्डेयको इजलासले बिहीबार रिट खारेज गर्ने अन्तिम निर्णय सुनाएको हो ।

पौडेलकी श्रीमती दोमाया पौडेलले असार १० गते बन्दी प्रत्यक्षीकरणको निवेदन दर्ता गराएकी थिइन् ।

पौडेललाई बिहीबारमात्रै विशेष अदालतले थप ६ दिन अनुसन्धानका लागि म्याद दिएको छ।

सम्पत्ति शुद्धीकरणसम्बन्धी कसुरको अनुसन्धानका लागि प्रहरीले उनलाई असार ८ गते सुर्खेतबाट पक्राउ गरेको थियो ।