१९ असार २०८३, शुक्रबार
नेपाली अटोमोबाइल बजारमा अत्याधुनिक र पर्यावरणमैत्री सवारी साधनको माग बढ्दै गएका बेला चेरी ब्राण्डले आफ्नो नयाँ १०० प्रतिशत विद्युतीय बी-सेगमेन्ट सहरी क्रसओभर 'चेरी क्यू' नेपालमा भित्र्याउने तयारी गरेको छ । आधुनिक सहरी यात्रालाई सहज र स्टाइलिस बनाउने उद्देश्यका साथ डिजाइन गरिएको यो ईभी आगामी भदौमा आयोजना हुने 'नाइमा मोबिलिटी एक्स्पो २०२६' मा आधिकारिक रूपमा सार्वजनिक गरिने भएको हो ।
उन्नत ईभी प्लेटफर्ममा निर्माण गरिएको चेरी क्यू बाहिरबाट आकर्षक र कम्प्याक्ट देखिए पनि यसको भित्री भाग निकै फराकिलो र आरामदायी रहेको छ। यसमा ३७५ लिटरको लगेज क्षमता (बुट स्पेस) रहेको छ, जसलाई आवश्यकता अनुसार सिटहरू पट्याएर (फोल्ड गरेर) १,४५० लिटरसम्म बढाउन सकिन्छ।
यो विद्युतीय क्रसओभरमा ९० किलोवाटको पर्मानेन्ट म्याग्नेट इलेक्ट्रिक मोटर जडान गरिएको छ, जसलाई ४१.२ किलोवाट आवरको एलएफपी ब्याट्रीसँग जोडिएको छ। रियर-ह्विल ड्राइभ प्रविधिमा आधारित गाडीले सिंगल चार्जमा ४०० किलोमिटरसम्मको ड्राइभिङ रेन्ज दिने दाबी गरिएको छ।
सहरी दैनिक यात्राका लागि उपयोगी गाडीमा तीव्र चार्जिङको सुविधा समेत छ। यसले ८५ किलोवाट सम्मको डीसी फास्ट चार्जिङ सपोर्ट गर्दछ, जसको मद्दतले मात्र १६ मिनेटमा ब्याट्रीलाई ३० प्रतिशतबाट बढाएर ८० प्रतिशतसम्म चार्ज गर्न सकिन्छ।
यसका साथै, यसमा भेहिकल-टु-लोड प्रविधि पनि समावेश छ, जसले गर्दा गाडीको ब्याट्रीबाट अन्य बाह्य विद्युतीय उपकरणहरूलाई सजिलै चार्ज गर्न वा चलाउन सकिन्छ।
नेपालको बढ्दो विद्युतीय सवारी बजारलाई मध्यनजर गर्दै चेरी क्यू ३ वटा भेरियन्ट, ५ वटा आकर्षक बाह्य रङ (एक्सटेरियर कलर्स) र २ वटा इन्टेरियर थिमहरूमा उपलब्ध हुनेछ। बौद्धिक प्रविधि, व्यावहारिक उपयोगिता र उत्कृष्ट विद्युतीय कार्यक्षमताको संयोजनका कारण यो गाडी सन् २०२६ को सबैभन्दा प्रतिक्षित र उत्साहजनक ईभी लन्च बन्ने देखिन्छ।
नेपाली ग्राहकहरूले यो नयाँ गाडीलाई आगामी साउन २७ गतेदेखि भदौ १ गतेसम्म (अगस्ट ११ देखि १६, २०२६ सम्म) काठमाडौँको भृकुटीमण्डपमा आयोजना हुने 'नाइमा मोबिलिटी एक्स्पो २०२६' मा प्रत्यक्ष अवलोकन गर्न र विस्तृत जानकारी लिन सक्नेछन्।
