चालु आर्थिक वर्षको ११ महिनामा नेपालमा २१ खर्ब २० अर्ब ८० करोड रुपैयाँ बराबरको विप्रेषण भित्रिएको छ । 
नेपाल राष्ट्र बैंकले सार्वजनिक गरेको पछिल्लो ११ महिनाको तथ्यांकअनुसार समीक्षा अवधिमा विप्रेषण आप्रवाह ३८.२ प्रतिशतले वृद्धि भएर २१ खर्ब २० अर्ब ८० करोड पुगेको हो । 

राष्ट्र बैंकका अनुसार चालु आवको जेठमा मात्रै दुई खर्ब तीन अर्ब ८९ करोड रकम रेमिट्यान्स भित्रिएको छ । जबकि गत आवको जेठमा भने विप्रेषण आप्रवाह एक खर्ब ७६ अर्ब ३२ करोड रहेको थियो ।
 
केन्द्रीय बैंकमा समीक्षा अवधिमा अमेरिकी डलरमा विप्रेषण आप्रवाह २९.६ प्रतिशतले वृद्धि भई १४ अर्ब ५९ करोड अमेरिकी डलर पुगेको छ । 

अघिल्लो वर्षमा भने यस्तो आप्रवाह १२.८ प्रतिशतले बढेको  नेपाल राष्ट्र बैंकले जनाएको छ ।