०७ साउन २०८३, बिहीबार
फिफा विश्वकप फुटबल प्रतियोगिताको सेमिफाइनलमा बलियो प्रतिद्वन्द्वी फ्रान्सलाई पराजित गर्दै स्पेन फाइनलमा प्रवेश गरेपछि स्पेनिस प्रशंसकहरू यतिबेला खुसीयाली र उत्सवमा डुबेका छन्।
डलास रंगशालामा खेलिएको रोमाञ्चक र तीव्र प्रतिस्पर्धात्मक सेमिफाइनल भिडन्तमा स्पेनले फ्रान्सको टोलीलाई सानदार ढङ्गले स्तब्ध बनाएको हो । मैदानमा उत्कृष्ट प्रदर्शन गर्दै स्पेनले फ्रान्समाथि २-० को सहज जित दर्ता गर्यो।
ऐतिहासिक जितसँगै स्पेन अब उपाधि भिडन्तका लागि फाइनलमा पुगेको छ । अब स्पेनले उपाधिका लागि अर्को सेमिफाइनल खेलका प्रतिद्वन्द्वीहरू अर्जेन्टिना वा इङ्गल्याण्डमध्ये विजेता टोलीसँग प्रतिस्पर्धा गर्नेछ।
स्पेनले फाइनलमा स्थान सुरक्षित गरेलगत्तै स्पेनका सडक र सहरहरूमा फुटबल फ्यानहरू झण्डा, जर्सी र नारासहित खुसीयाली मनाउन ओर्लिएका छन्। देशैभरि उत्सवको माहोल छाएको छ ।
तस्वीरहरू : बीबीसी
