०८ साउन २०८३, शुक्रबार
काठमाडौंको नयाँ बसपार्क भित्र सञ्चालित गेष्ट हाउसमा एक युवतीको शव फेला परेको छ ।
गेष्ट हाउस सञ्चालकले गन्ध आएपछि प्रहरीलाई खबर गरेका थिए । प्रहरीको रोहबरमा ढोका खोलेर हेर्दा युवतीको शव भेटिएको हो ।
प्रहरीका अनुसार मृतक युवती कैलालीकी निशा सुनार रहेको खुल्न आएको छ ।
घटना शङ्कास्पद देखिएको र थप अनुसन्धान भइरहेको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक पवनकुमार भट्टराईले जानकारी दिए ।
उनले भने, ‘दुई/तीन दिन अघिदखि सुनार गेष्ट हाउसमा आएर बसेको भनिएको छ, उनीसँग आएका व्यक्तिहरूको खोजीकार्य भइरहेको छ ।’
सुनारको शव पोस्टमार्टमका लागि टिचिङ अस्पताल पठाइएको भट्टराईले जानकारी दिए ।
