१२ साउन २०८३, मंगलबार
सुनसरीको देवानगन्ज घटनाको विरोधमा विराटनगरमा पनि प्रदर्शन भएको छ ।
सोमबार दिउँसो केही व्यक्तिहरूको समूहले विराटनगरको मुख्य बजार क्षेत्रमा बन्द गराएका हुन् ।
उनीहरूले नाराबाजी गर्दै पसलहरू बन्द गराएका छन् ।
जिल्ला प्रहरी कार्यालय मोरङका प्रहरी प्रमुख कबित कटवाका अनुसार उनीहरूले प्रदर्शन गरेपछि व्यवसायीले आफैं पसल बन्द गराएका बताए ।
अहिले पसलहरू खुलाउने प्रयास भइरहेको उनको भनाइ छ ।
गएराति सुनसरीको देवानगन्ज घटनामा गोली लागेर घाइते भएका २४ वर्षीय ओमप्रकाश मेहताको उपचारको क्रममा निधन भएको थियो ।
अहिले त्यस क्षेत्रमा अनिश्चितकालीन निषेधाज्ञा जारी गरिएको छ ।
