रियालिटी शो नेपाल आइडलबाट चर्चामा आएकी मेनुका पौडेल फेरि एकपटक चर्चामा रहेकी छिन् । 

दृष्टिविहीन पौडेलले नेपाल आइडलमा आफ्नो दमदार प्रस्तुति दिएकी थिइन् तर दर्शकको भोटको कमी कारण उनी टप टेनबाट बाहिरिएकी थिइन् । 

अहिले फेरि उनी भारतीय टेलिभिजन जी टिभीमा प्रशारण हुने रियालिटी शो सारेगामापामा उत्कृष्ट गायन पस्कदा नेपाल मात्र होइन भारतमा पनि यसको चर्चा भएको छ । 

सारेगामापाको अडिसन राउण्डबाट छानिएकी छिन् । शनिवार राति टेलिभिजनबाट प्रसारण भएको उक्त शोमा मेनुकाको प्रस्तुतीले जज र जुरी मेम्बरहरुको आखा रसाएका थिए । 

लता मंगेशकरको आवाजको गीत ‘जाने क्या बात है..’ गाउँदा शोमा उपस्थित जजले आँशु झारेका थिए । 

उनले गीत गाइसक्दा सबै उभिएर उनको प्रशंसा गरिरहेका थिए । 

जज रहेका संगीतकार शेखर रबजानी, सोना मोहपत्रा र वाजिद खानले मेनुकाको प्रशंसा गरेका थिए । 

उनको गायनमा जजहरुले आशुमात्र बगाएनन् मुक्त कण्ठले प्रशंसा गरेका थिए । त्यसक्रममा मेनुका भावुक बनेकी थिइन् । गायन माथि प्रतिक्रिया जनाउँदै संगीतकार शेखरले आफूले मेनुकाको गायनमा जज गर्ने आफ्नो कुनै औकात नभएको बताए । उनले भने ‘म यति धेरै क्वालिफाइड छैन ।’

गायनमा लिएको हर्कतका कारण आफूहरु मेनुकाको फ्यान भएको जजहरुले बताएका थिए ।