सुभाष घईको फिल्म खलनायकमा ‘चोली के पीछे’ गीतले इला अरुणलाई विवादको घेरामा ल्याएको थियो भने सफलता पनि ।

उनले भनिन्, ‘सुभाष भईलाई म कर्मा फिल्म देखि चिन्थे । उनले मलाई ‘चोली के पीछे’ गाउनका लागि बोलाए र मलाई मैले गाउन पर्ने लाइन सुनाए ।

संगीतकार लक्ष्मीकान्त प्यारृलाल र गीतकार आनन्द बक्शी गीतको बोलका बारेमा मेरो प्रतिक्रिया लिन चाहन्थे । तर, म त्यो गीतलाई लिएर हिचकिचाइन । किनकी यस्ता खालका गीत गम्भीर सम्बन्धका बीचमा हिचकिचाहट अन्त्य गर्नका लागि गाउने गरिएको थियो । जस्तो देवर–भाउजु, देउरानी–जेठानी तथा नन्द–भाउजु ।’

उनले भनन्,‘तर यो गीत गाउने समयमा अल्का याग्निक डराएकी थिइन् । मैले पुरै आत्मविश्वासका साथा गीत गाए, र विवाद पर्दा यसको बचाउ पनि गरे ।’

चोली के पीछे गीतले उनलाई रातो राम चर्चित बनाइदियो र लगभग उनलाई यस्तै खालका २४ गीतका प्रस्ताव आए । इला अरुणका अनुसार यदी आजकालका गायिका भएका भए २४ मा २४ नै गीत गाउने थिए जसलाई उनी गतल मान्छिन् ।

इलाले आफूले लता जस्ती हस्तीसँग गीत गाउन पाएकोमा भाग्यमानी भएको बताइन् । तर लतासँग गीत गाउने समयमा पसिना नै छुट्ने गरेको उनको अनुभव छ ।

इला अरुणलाई आफू राम्रो गायिका बन्न सक्ने भएपनि कसैले प्रोत्साहन नगरेकोमा दुखी छिन् । उनी संगीतकार कल्याणजीलाई पनि दोषी मान्छिन् । उनले अल्का याग्निक तथा साधना जस्ता गायिकालाई प्रोत्साहन गरेको तर आफूलाई नगरेको बताइन् ।

१४ अप्रिलमा रिलिज भएको फिल्म बेगम जानमा विद्या बालकासाथ इला अरुण पनि मुख्य भूमिकामा देखा परेकी छिन् ।