वीरेन्द्रनगर नगरपालिका सुर्खेतका नगर प्रमुख देवकुमार सुवेदीले दशैं भत्ताका रुपमा पाएको पन्ध्र हजार मानव सेवा आश्रममा दिएका छन् ।

उनले पाँच हजार बराबरको खाद्यान्न तथा फलफूल र दश हजार नगद हस्तान्तरण गरेका हुन ।

दशैं भत्ता प्रकरणमा लोकान्तरले समाचार प्रकाशन गरेको थियो । प्रदेश सरकारले जनप्रतिनिधिलाई वर्षमा एक पटक पन्ध्र हजारका दरले चाडपर्व खर्च दिने कानून ल्याएसँगै दशैँको अवधीमा कर्णालीका सबै जनप्रतिनिधिलाई पन्ध्र हजारका दरमा दशैं खर्च वितरण गरिएको थियो ।

दशैँमा मानव सेवा आश्रमका आमा बुवालाई केहि खर्च दिएको हुँ । उनले भने, सानो रकमबाट कम्तिमा उहाँहरुलाई आश्रमले मिठो मसिनो खुवाओस् भन्ने ध्येयका साथ मैले दशैं खर्चको नाममा आएको रकम त्यहाँ हस्तान्तरण गरेको हुँ । उनले प्रदेश सरकारले कानून बनाइदिएका कारण नगरपालिकाले आफूहरुलाई थाहै नदिई खातामा रकम जम्मा गरेको बताए । 

उनले मानवतालाई जोगाउन र सहयोगापेक्षी मानवलाई सहयोग गर्न नगरपालिका प्रतिबद्ध रहेको बताए । गत वर्ष हामीले आश्रमको भाडा तिरि दिएका थियो । उनले भने, यो वर्ष हामी के गर्न सक्छौं त्यो प्रयास गर्छौं ।