इन्डोनेसियाको टीडोङ समुदायमा नवविवाहित जोडीलाई तीन दिनसम्म शौचालय जान प्रतिबन्ध लगाइन्छ । यस रीतिरिवाजलाई तोड्नु अपशकुन मानिन्छ । 

शौचालय जाँदा पवित्रता नष्ट हुन्छ र बेहुला बेहुली अशुद्ध हुने मान्यता छ । शौचालयमा धेरैजना जाने भएकाले त्यहाँ नकारात्मक ऊर्जा हुने र नवविवाहित जोडीले त्यो ऊर्जा ग्रहण गर्न नहुने उनीहरू मान्छन् । 

नकारात्मक ऊर्जाका कारण बेहुला र बेहुलीको सम्बन्ध टुट्ने खतरा रहन्छ र उनीहरूको ज्यान पनि खतरामा रहेको विश्वास यस समुदायले लिएको छ । 

शौचालय जान नदिइएका कारण नयाँ जोडीलाई खानपिन गर्न पनि दिइँदैन । एकदमै कम खाना मात्र उनीहरूलाई दिइन्छ ।