लामो समयको लकडाउन र कोभिड १९ ले पारेको प्रभावपछि ठप्प नेपालको सांगीतिक माहोल पुरानै लयमा फर्किन थालेको छ ।

देशभरका विभिन्न स्थानमा हुँदै आएका मेला महोत्सव संचालकले अब कार्यक्रम संचालनको तयारी थालेका छन् ।

बुटवल, पोखरा, नेपालगन्ज, सुर्खेत, धनगढी लगायतका स्थानमा छिटपुट सांगीतिक कार्यक्रम हुन थालेका छन् ।

न्यु इयरको अवसरमा पोखरा, बुटवल, पश्चिम अछाम, पुर्व क्षेत्र, काठमाडौं लगायतका स्थानमा विभिन्न कार्यक्रम भए ।

पोखरामा पोखरेलीले अंग्रेजी नयाँ वर्ष–२०२१ को भव्य स्वागत गरेका थिए । फेवाताल किनारमा आयोजित २२ औं पोखरा सडक महोत्सवमा सयौँको उपस्थित थियो ।

पोखराको यो कार्यक्रमसँगै लामो समयदेखि ठप्प नेपालको सांगीतिक माहोल फेरी जुरमुराउन थालेको भान भएको छ । लकडाउनपछि पोखराको गौरीघाट, अम्बोट, खहरे र सेन्टर लेकमा चार वटा स्टेजमा विविध कार्यक्रम भए । त्यस्तै नेपालगन्जमा गायिका मन्जु पौडेलसहित विभिन्न कलाकारले स्टेज तताए ।

मेरो प्लानेटले आयोजना गरेको कार्यक्रममा सयौँको उपस्थित थियो । गायिका पौडेल भन्छिन्, ‘लामो समयपछि स्टेज कार्यक्रमा फर्किएँ । निकै रमाइलो भयो । सांगीतिक माहौलबाट टाढा भएका दर्शकले खुलेर इन्जोय गरे ।’ गायिका पौडेलका अनुसार विस्तारै देशभर सांगीतिक कार्यक्रम सुरुवात हुन थालेका छन् ।

लकडाउनपछि गायक दुर्गेश थापाले पश्चिम मा सयौं दर्शकका बीच सांगीतिक माहोलमा प्रस्तुती दिए । गायक तथा मोडल दुर्गेशले दिएको यो कार्यक्रममा कोरोनाको कुनै डर थिएन । गायीका मन्जु पौडेल, दुर्गेशजस्तै गायक कृष्ण काफ्ले केहि कार्यक्रमको अफर आएको जानकारी दिए ।

उनले छिट्टै २ वटा नेपालका कार्यक्रममा सहभागी हुने तयारीमा रहेको प्रतिक्रिया दिए । उनले भने, ‘लकडाउनपछि केहि कार्यक्रमको अफर आएको छ । नेपालपछि छिट्टै म विदेशका कार्यक्रममा पनि सहभागिता जनाउने योजना गराएको छु ।’ विदेशमा नियमित सांगीतिक कार्यक्रम आयोजना गर्दै आएका सघ–संस्थाहरुले लकडाउनपछि फेरी तयारी थालेका छन् ।

गायक प्रमोद खरेलले २०७८ मा नेपालको सांगीतिक माहोलमा आशाको किरण छाउनेमा आफु विश्वस्त रहेको बताए । उनले भने, ‘तर, अंग्रेजी नयाँ वर्षपछि भने सांगीतिक माहोल शुरू भएको छ । मलाई पनि केहि स्थानदेखि अफर आएको छ । सायद छिट्टै स्टेज चढ्छु कि ।’