१३ असार २०८३, शनिबार
बेलायतमा एक टीभी शोमा एक जोडीले लिएर गएको अनौठो कुरालाई विज्ञहरूले पनि चिन्न सकेनन् ।
प्राचीन वस्तुका विज्ञ रोन्नी आर्चर–मोर्गनले पनि यो के हो भनी पत्ता लगाउन सकेनन् ।
यो रहस्यमय वस्तु १६औं शताब्दीको बताइएको छ ।
जोडीका अनुसार, विगत ९० वर्षदेखि यो काठको सामान उनीहरूसँग छ तर यसको कस्तो उपयोग हुन्छ भन्ने कसैलाई थाहा छैन ।
महिलाले यो सामान ससुराको भएको तर यसका बारेमा कसैलाई थाहा नभएको बताइन् । यसलाई स्टूलका रूपमा उपयोग गरिन्छ तर यो निकै भारी छ ।
यसलाई जहाजमा उपयोग गरिन्थ्यो जस्तो देखिन्छ । हुन पनि सामान ल्याउने जोडीका पुर्खा मिलफर्ड डकमा काम गर्थे र सन् १९०० मा उनले जहाजमा यात्रा गरेका थिए ।
जहाजमा खानेकुरा पिँध्नका लागि शायद यसको उपयोग गरिन्थ्यो ।
