मान्छेका इच्छा र योजना अनेक किसिमका हुन्छन् । शिक्षा र चेतनाको विकाससँगै धेरै दम्पतीले बढीमा २ सन्तान जन्माउने इच्छा राख्छन् । तर रुसमा एउटा दम्पतीले १०५ सन्तान बनाउने योजना बनाएका छन् ।

संसारको सबैभन्दा ठूलो परिवार बनाउने योजनासहित ५६ वर्षीय पति गलिप र २३ वर्षीया पत्नी क्रिस्टिनाले सन्तान उत्पादनलाई तीब्रता दिएका छन् । २३ वर्षको उमेरमा क्रिस्टिनाले ११ बच्चा बनाइसकेकी छन् ।

योजना अनसार १०५ बच्चा आफैं जन्माउन नसकिने भएकाले सरोगेसी आमाको सहारा लिने योजना यो दम्पतीको छ । बच्चा पाल्न र पढाउन चाहिने खर्चका लागि समेत सबै तयारी गरिएको छ ।

सरोगेसीमार्फत बच्चा बनाउन यो दम्पतीले करोड रुपैयाँ खर्च गर्न पनि तयार रहेको जनाएको अन्तर्राष्ट्रिय सञ्चारमाध्यमले जनाएका छन् ।