मंसिर १९, २०८०
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
भदौ २०, २०७८
अमेरिकाले अफगानिस्तानबाट हटेपछि सत्तामा आएको तालिबानमा आन्तरिक संघर्षका कारण सरकार गठन गर्न ढिलाइ भइरहेको छ ।
यसैबीच पंजशिर प्रान्तमा तालिबानको प्रतिकार गरिरहेको समूहको पत्रिका पंजशिर अब्जर्भरले ट्वीट गर्दै काबुलमा तालिबानका दुई वरिष्ठ नेताबीच शक्तिसंघर्ष चलेकाले शुक्रवार राति गोली चलेको भनी खबर दिएको छ ।
ट्वीटमा उल्लेख भएअनुसार, अनस हक्कानी र मुल्ला बारादरका बफादारहरूले पंजशिरमाथिको आक्रमणलाई कसरी व्यवस्थापन गर्ने भन्ने विषयमा विमति राखेका छन् ।
यस विषयमा पंजशिर अब्जर्भरले नर्दन अलायन्सको ट्वीटलाई उद्धृत गरेको छ । उक्त ट्वीटका अनुसार, बारादरले तालिबान लडाकूहरूलाई पंजशिरमा लडाइँ नगर्न र काबुल फर्किन भनेका थिए । हक्कानीले त्यसमा असहमति जनाएपछि दुई पक्षबीच गोली हानाहान भयो । त्यसक्रममा बारादार घाइते भए र उनलाई उपचारका लागि पाकिस्तान लगिएको छ ।
हुन त यो तालिबानको कट्टर विरोधी नर्दन अलायन्सले उसका विरुद्ध प्रोपागान्डा फैलाएको हुन सक्छ । त्यसैपनि पंजशिरमा भइरहेको लडाइँमा तालिबान र नर्दन अलायन्सका तर्फबाट फरक फरक खबरहरू आइरहेका छन् ।
गोली चलेको र बारादार घाइते भएको पुष्टि नगरिएको भए पनि तालिबान नेताहरूबीच शक्तिसंघर्ष भइरहेको विभिन्न सञ्चारमाध्यमले खबर दिइरहेका छन् । अमेरिकालाई पराजित गर्नका लागि एकजुट भएको तालिबान अमेरिकी सेना हिँडेपछि संघर्ष गरिरहेको हो ।
यो मूलभूत रूपमा कट्टरपन्थी र नरमपन्थीहरूबीचको संघर्ष हो । शांघाई कोअपरेसन अर्गनाइजेसनको रिजनल एन्टी टेररिस्ट स्ट्रक्चरले गरेको विश्लेषणअनुसार, तालिबानमा तीन प्रमुख खेमा छन् ।
तिनमा पनि क्वेट्टा खेमामा मुल्ला मोहम्मद याकुब र पेशावर खेमाका सिराजुद्दीन हक्कानीबीचको संघर्ष सबभन्दा बढी चर्किएको छ । अलि बढी कठोर तथा अमेरिकाले आतंकवादीको संज्ञा दिएको हक्कानीसँग बफादार रहेका लडाकूहरू केही नरम मानिने याकुब र बारादरमाथि हावी हुन खोजिरहेका छन् ।
पाकिस्तानको समर्थन रहेको हक्कानी नेटवर्कलाई काबुलको सुरक्षाको जिम्मेवारी दिइएको छ र उसले अफगानिस्तानका राजनीतिक र सैन्य मामिलामा महत्त्वपूर्ण भूमिका खेलिरहेको छ ।
याकूब चाहिँ तालिबानका संस्थापक मुल्ला मोहम्मद ओमरका छोरा हुन् । उनले अफगानिस्तानमा तालिबानको विजय हुँदै गर्दा अफगान सरकार तथा सेनाका सदस्यमाथि प्रतिशोधात्मक कारवाही नगर्न आफ्ना लडाकूहरूलाई निर्देशन दिएका थिए । यो समूह दोहा सम्झौताअनुसार सरकार गठन तथा सञ्चालनमा अगाडि बढ्नुपर्ने मान्यता राख्छ ।
बारादार याकूबको खेमामा छन् र तालिबानको सबभन्दा चिनिएका अनुहार उनी नै हुन् । सुधारवादी तथा पश्चिमसँग नजिक भएका बारादारले आफ्नो एजेन्डा कत्तिको लागू गर्न सक्छन् भन्नेमा तालिबान सरकारको आयु निर्धारण हुने श्रीलंकाली विद्वान् कुमार डेभिडले लेखेका छन् ।
बारादर समूह हावी हुन पाएमा अतिवाद र आतंकवादलाई लगाम लगाउन सहज हुनेछ । तर इस्लामिक स्टेट खोरासान प्रोभिन्स नामक आतंकवादी समूहसँग सम्बन्ध भएको मानिने हक्कानी नेटवर्क हावी भएमा अफगानिस्तान आतंकवादको मलिलो भूमि हुनेछ र क्षेत्रीय सुरक्षामा आँच आउनेछ ।
यी दुईबाहेक अर्को रसूल खेमा पनि छ । मुल्लाह मोहम्मद रसूलले नेतृत्व गरेको यो खेमाले सन् २०१६ मा तालिबानविरुद्ध भयंकर लडाइँ गरेको थियो । रसूलले तत्कालीन तालिबान नेता मुल्ला मोहम्मद मन्सूरको आधिकारिकतामा प्रश्न उठाएर लडाइँ शुरू गरेका थिए । त्यसै वर्ष रसूललाई पक्राउ गरी पाकिस्तानको कारागारमा राखिएको थियो र तालिबानले काबुलमा कब्जा गरेपछि रिहा गरियो ।
रसूल पनि इस्लामको कठोर व्याख्या गर्ने व्यक्ति हुन् । उनले अफगान सरकारसँग वार्ता गर्ने तालिबानको निर्णयको विरोध गरेका थिए । तर अहिले तालिबान सत्तामा आउँदा उनी पनि सरकारको अंग बन्न खोजिरहेका छन् ।
यी खेमाहरूलाई एकआपसमा भिडाउनका लागि विदेशी शक्तिहरू परिचालित भइरहेको विभिन्न विश्लेषकहरूको भनाइ छ । चीन र रुसले अफगानिस्तानमा स्थिरता ल्याउन खोजेको भए पनि तालिबानसँग हारेको अमेरिकाले प्रतिशोधका लागि तालिबानको कलहलाई चर्काउन सक्ने देखिन्छ ।
अफगानिस्तानको नयाँ राजनीतिक घटनाक्रममा बारेमा निरन्तर लेखिरहेका पूर्व भारतीय राजदूत एम भद्रकुमारका अनुसार, अमेरिकी गुप्तचरहरू तालिबानको भित्रसम्म पसेका छन् र तालिबानलाई छिन्नभिन्न बनाउने क्षमता हासिल गरिसकेका छन् । अहिले तालिबानलाई कमजोर बनाउने अनि उपयुक्त समय आएमा त्यसलाई आफ्नो कठपुतली बनाउने दिशामा उनीहरू बढिरहेका छन् ।
यसरी आन्तरिक कलहको स्थिति रहँदा अनि अमेरिकी गुप्तचरहरूको घुसपैठ हुँदा तालिबानलाई सरकार चलाउन कठिन हुनेछ । भद्रकुमारका अनुसार, अमेरिकालाई आफ्ना भूराजनीतिक तथा भूरणनीतिक खेलहरू खेल्नका लागि अफगानिस्तान अस्थिर भइरहनुपर्छ । त्यहाँको केन्द्रीय सरकारले काम गर्न नसकेमा हस्तक्षेप गर्ने अनि क्षेत्रीय मुलुकहरूको सुरक्षालाई अप्ठ्यारोमा पार्ने अमेरिकाको अभीष्ट पूरा हुन्छ ।
आन्तरिक कलह कायम रहेका कारण तालिबानले सबै पक्षलाई समेटेर सरकार बनाउन सकिरहेको छैन । अल्पसंख्यक समुदायलाई समेत समावेश गर्दै सरकार गठन गरेमा मात्र रुसले तालिबान सरकारलाई मान्यता दिने भनेको छ । पश्तुन समुदायकै विभिन्न जातजातिलाई सन्तुष्ट पार्ने गरी सरकारमा समावेश गराउन गाह्रो परिरहेको तालिबानलाई ताजिक, उज्बेक, तुर्कमेनी, हजारा लगायतका समुदायलाई सामेल गर्न अर्को टाउकोदुखाइ छ ।
ताजिक समुदायका मानिसले पंजशिरमा तालिबानको प्रतिकार गरिरहेको अवस्थामा उनीहरूलाई सरकारमा समावेश गर्न निकै गाह्रो देखिएको छ । यस्तो संघर्ष जारी रहँदा चीन पनि खुशी छैन किनकि चीनले चाहेको जस्तो विकासको कार्यक्रम अघि बढाउन सरकार स्थिर हुन जरूरी छ । चीनको परराष्ट्र मन्त्रालयका प्रवक्ता वाङ वनबिनले व्यापक परामर्श गर्दै अफगानहरूले सबै मतभिन्नता हटाउनुपर्ने बताएका छन् ।
इरानको विदेश मन्त्रालयका प्रवक्ता सईद खातिबजादेले पनि अफगानिस्तानमा लोकप्रिय तथा समावेशी सरकार हुनुपर्ने र उक्त सरकारले देशको जानसांख्यिक तथा जातीय संरचनालाई प्रतिबिम्बित गर्नुपर्ने बताए ।
युरेसियाका तीन प्रमुख मुलुक चीन, रुस र इरानले यसरी अफगानिस्तानको स्थिर सरकार निर्माणमा चासो देखाएर अमेरिकाबाट हुन सक्ने अस्थिरताको अभ्यासलाई रोक्ने कोशिश गरेका छन् । यस कार्यमा पाकिस्तानको पनि सहयोग अपरिहार्य छ । पाकिस्तानको गुप्तचर संस्था आईएसआईका प्रमुख लेफ्टिनेन्ट जनरल फाइज हमीद अफगानिस्तान पुगेर ‘चिन्ता लिनुपर्दैन, सबै ठीक हुन्छ’ भनेका छन् ।
पाकिस्तानले नै तालिबानलाई जन्माएको र हुर्काएको अनि अमेरिकी आक्रमणबाट बचाउनका लागि आश्रय समेत दिएको हो । तर पाकिस्तानले बारादरलाई नभई हक्कानी नेटवर्कलाई सरकारमा बलियो स्थान दिलाउन खोजेको बताइँदैछ । कुची समुदायकी अफगान राजनीतिकर्मी मरियम सोलेमानखिलले शनिवार ट्वीट गर्दै बारादरले नभई हक्कानीले सरकारको नेतृत्व गरोस् भनी सुनिश्चित गर्नका लागि आईएसआई प्रमुख आएको लेखिन् ।
कट्टरपन्थी हक्कानीलाई शक्तिशाली बनाउने पाकिस्तानको इच्छा हो भने त्यसले अमेरिका तथा पश्चिमलाई चिढ्याउन सक्छ । त्यस्तो अवस्थामा पश्चिमले अफगानिस्तानमा नाकाबन्दी गर्ने वा रोक्का गरिएको रकम फुक्का नगर्ने स्थिति आउँछ ।
त्यस्तो अवस्थामा तालिबानलाई अफगानिस्तानमा सरकार चलाउन नै अप्ठ्यारो पर्नेछ । अहिले तालिबानसँग सरकारी कर्मचारीलाई तलब खुवाउन सक्ने पैसा पनि नरहेको बताइन्छ । त्यसैले आन्तरिक कलहबाट पार पाएर समावेशी सरकार बनाउनु तालिबानको प्राथमिक कर्तव्य हो तर यो सोचेजस्तो सजिलो देखिएको छैन ।
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...