३० असार २०८३, मंगलबार
क्यानडामा आकर्षक रोजगारी दिलाइदिने प्रलोभन देखाएर २६ जनाबाट करिब २ करोड ५० लाख रुपैयाँ ठगी गरेको आरोपमा पूर्वमाओवादी लडाकु कमान्डर लहानु चौधरी पक्राउ परेका छन्।
काठमाडौं उपत्यका अपराध अनुसन्धान कार्यालयले उनलाई काठमाडौंबाट पक्राउ गरेको हो। प्रहरीले चौधरीले प्रतिव्यक्ति ४ लाखदेखि १७ लाख रुपैयाँसम्म उठाएर विदेश नपठाएको जनाएको छ।
पीडितको उजुरीपछि फरार रहेका चौधरीलाई पक्राउ गरिएको हो। उनलाई थप कारबाहीका लागि वैदेशिक रोजगार विभागमा बुझाइने प्रहरीले जनाएको छ।
