०४ साउन २०८३, सोमबार
संसारमा यस्ता पनि रहस्यमय ठाउँहरू छन् जसका बारेमा धेरै मानिसलाई थाहै छैन । यस्तै एक ठाउँमा पक्षीहरू आत्महत्या गर्छन् । सुसाइड पोइन्टमा गएर मानिसहरूले आत्महत्या गर्ने त सुनिएकै हो तर यहाँ कुरा गर्न लागिएको ठाउँमा चराले सामूहिक आत्महत्या गर्छन् ।
भारतको असम राज्यको दक्षिणी भागमा दिमा हासो नामक स्थान छ । यसैको पहाडी इलाकामा जतिंगा नामक गाउँ छ । यो गाउँमा सेप्टेम्बरदेखि नोभेम्बर महिनामा पक्षीहरूले सामूहिक आत्महत्या गर्ने गरेका छन् । वर्षौंदेखि यो सिलसिला चल्दै आएको छ । यहाँ आउने चरा जिउँदो बाहिर निस्कदैन भन्ने मान्यता छ ।
विशेषगरी अक्टोबर र नोभेम्बरमा रातिहुँदो चराले सामूहिक आत्महत्या गर्ने गरेका छन् । चराहरूको मृत्युलाई भूत र रहस्यमयी शक्तिहरूसँग जोडेर हेर्ने गरिएको छ ।
वैज्ञानिकहरूका अनुसार जतिंगा गाउँ गहिरो खोंचमा अवस्थित हुनाले त्यहाँ भारी वर्षा भइरहेको बेलामा पुग्ने चराहरू भिजेर राम्ररी उड्न नसक्ने र यसैकारण समस्यामा पर्ने गरेको देखिन्छ । अनि कडा हावाले पनि चराहरूको सन्तुलन बिगार्छ र रुखमा ठोक्किएर उनीहरू घाइते हुन्छन् । अनि उनीहरू त्यहीँ मर्छन् ।
बर्खाका बेलामा चराहरूको आत्महत्या दर ह्वात्तै बढ्छ ।
एजेन्सी
