अमेरिकाको डेलावेयरमा दर्ता गरिएको हाम्रो पात्रो इन्कले रुद्र पाण्डेलाई कम्पनीको निर्देशक बोर्डको अध्यक्ष चयन गरेको छ ।

अमेरिकामा सफल व्यवसायीका रूपमा पहिचान बनाएका पाण्डे नेपालको सफ्टवेयर उद्योगका अग्रणी व्यक्तित्व हुन् । 

हाम्रो पात्रो याप १ करोडपटक डाउनलोड भइसकेको छ र कम्पनीले पाण्डेलाई नेतृत्वमा स्वागत गर्न पाउँदा खुशी व्यक्त गरेको छ । 

पाण्डेले हाम्रो पात्रोका संस्थापक तथा सीईओ शंकर उप्रेती तथा शीर्ष नेतृत्वसँग मिलेर भविष्यको रणनीति बनाउने कम्पनीको भनाइ छ ।

‘रुद्र दाइलाई स्वागत गर्न पाउँदा म एकदमै उत्साहित छु । उहाँसँग मिलेर पुनः काम गर्न पाउने आशा मैले गरेको छु । डी२हकआईमा ६ वर्षसम्म उहाँ मेरो मेन्टर हुनुहुन्थ्यो र म उहाँलाई धेरै सम्मान गर्छु । उहाँलाई नेतृत्वमा ल्याउन पाउनु हाम्रा लागि गजबको अवसर हो,’ उप्रेतीले भने । 

‘शंकर सच्चा व्यवसायी र भद्र मानिस हुन् । उनले करियरको आरम्भमा मेरो निगरानीमा काम गरेका हुन् । उनले गजबको कम्पनी बनाएका छन् । नेपालबाट आएको पहिलो उल्लेखनीय प्रविधि कम्पनी उनकै हो । शंकर र उनको उम्दा टोलीसँग काम गर्न तथा यस सफल यापलाई थप बलियो बनाउन म उत्साहित छु,’ पाण्डेले बताए ।