×

Nic Asia
Marvel

प्रदेश सरकारको विकृति

मुख्यमन्त्रीको सचिवालय भद्दा र जम्बो , कार्यकर्ता पोस्न राज्यकोषमाथि आर्थिक बोझ !

बुटवल | पुस २०, २०७८

TVS INSIDE

राज्यकोषको चरम दुरूपयोग हुने गरी लुम्बिनी प्रदेशका मुख्यमन्त्री कूलप्रसाद केसीले निजी सचिवालय अनावश्यक ‘जम्बो’ बनाएका छन् ।

IME BANK INNEWS
morang Auto yamaha

मन्त्री केसीले राज्यमन्त्री, सहायक मन्त्री सरहको सुविधासहित दोभाषेसम्म रहने गरी १९ जनाको सचिवालय बनाएका छन् ।


Advertisment
NMB BANK
Saurya island

कोभिड–१९ महामारीले थला परेको अर्थतन्त्रलाई राहत दिनुपर्ने बेलामा मुख्यमन्त्री केसीले राज्यकोषबाट आकर्षक तलब सुविधा लिने गरी आफ्ना आसेपासेलाई गत साउन २८ गतेदेखि शुरू गरेको नियुक्ति मंसिर १ गतेसम्म १९ जनालाई राखेका छन् ।

गत साउन २८ गते निवर्तमान मुख्यमन्त्री शंकर पोखरेल नेतृत्वको एमाले सरकारलाई विस्थापित गर्दै केसी ५ दलीय गठबन्धनबाट मिलिजुली सरकारको नेतृत्व गरी मुख्यमन्त्री बनेका हुन् । पोखरेलले आफ्नो सचिवालय जम्मा ७ सदस्यीय बनाएको तत्कालीन सरकारका प्रवक्ता तथा एमाले प्रदेशसभा सदस्य बैजनाथ चौधरीले बताए । 

Vianet communication
Maruti inside

केसीको सचिवालयमा १९ जनामध्ये धेरैले त कामै नगरी तलब मात्र खाने गरेको बुझिएको छ । कर्मचारी नियुक्त गर्न सचिवालयमा १३ पद सिर्जना गरिएको छ । ७ सदस्यीय प्रदेशको मन्त्रिपरिषद्बाट १७ सदस्यीय बनाएका केसीले जनतामा संघीयताप्रति नै वितृष्णा जाग्ने गरी भद्दा सचिवालय बनाएका छन् ।

मुख्यमन्त्रीको कामकाज छिटोछरितो बनाउने सचिवालयमा नियुक्त भएका पदाधिकारीबाट प्रभावकारी काम हुन नसकेको आरोप छ । केसीको सचिवालयमा अधिकांश गृहजिल्ला रोल्पाका रहेका छन् । मुख्यमन्त्री तथा मन्त्रिपरिषद्को कार्यालय बुटवलका सूचना अधिकारी यामकान्त पाण्डेले सचिवालयमा १९ जना पदाधिकारी कार्यरत रहेका जानकारी दिए । 

हेर्नुहोस् कसले कति लिन्छन् सुविधा ?

मुख्यमन्त्री केसीको तलब सुविधा ७० हजार ७३० रुपैयाँ रहेको छ । अतिथि सत्कारका लागि भनेर उनले मासिक १५ हजार रुपैयाँ मुख्यमन्त्रीको पारिश्रमिक तथा सुविधा सम्बन्धी ऐनअनुसार पाउँछन् । मुख्यमन्त्रीको मासिक सुविधा ८५ हजार ७३० रुपैयाँ छ । केसीले पहिलो मन्त्रिपरिषद् बैठकबाट दाङका अमरबहादुर डाँगीलाई प्रमुख राजनीतिक सल्लाहकार नियुक्त गरेका थिए । 

उनको मासिक सुविधा राज्यमन्त्री सरह ५६ हजार ८४०, सञ्चार सुविधा २ हजार, अतिथि सत्कार ५ हजार, बिजुली–पानीबापत २ हजार, आवास सुविधा १५ हजार गरी ८० हजार ८४० रूपैयाँ रहेको छ । दाङ जिल्लाबाट प्रदेश सभामा एमालेबाट निर्वाचित डाँगी पोखरेल सरकारविरुद्ध अविश्वासको प्रस्ताव पेश भएपछि सांसद पदबाट राजीनामा दिएर माओवादीमा प्रवेश गरेका थिए । 

केसीले रोल्पा घर्तीगाउँका रमेशबहादुर वलीलाई सहायक मन्त्रीसरह सेवासुविधा दिने गरी नियुक्त गरेका छन् । वलीले मासिक तलब ५५ हजार ८००, सञ्चार सुविधा २ हजार, अतिथि सत्कार ५ हजार, बिजुली–पानी सुविधा २ हजार गरी मासिक ६४ हजार ८०० रुपैयाँ बुझ्छन् । वली असोज १ गते नियुक्त भएका थिए । 

उपसचिव सरह सेवा लिने गरी केसीले तनहुँ घर भएका हाल रुपन्देही बस्ने खरीन्द्र विक ‘सुजित’लाई स्वकीय सचिवमा नियुक्त गरेका छन् । उनको सुविधा ४३ हजार ३८० रुपैयाँ छ । एमालेको भातृ संगठन युवा संघ रुपन्देहीका तत्कालीन नेता प्रचण्ड थैबको हत्यामा संलग्न विक केही महिनाअघि मात्रै कैद भुक्तान गरी छुटेका थिए । 

उनलाई मुख्यमन्त्रीको सचिवालयमा लैजाँदा चौतर्फी आलोचना भएको थियो । विकलाई भदौ ५ गते नियुक्त गरिएको थियो । रोल्पाकै मानसिंह विकलाई ३७ हजार ९९० तलबसहित प्रेस संयोजकमा नियुक्त गरिएको छ । 

कल्याण केसी र दिव्याश्वरी केसी शाखा अधिकृत (स्वकीय अधिकृत) का रूपमा रहेका छन् । दुवै जना मुख्यमन्त्री कार्यालयको दरबन्दी अनुसार कार्यरत छन् । चैतुकुमारी चौधरीलाई कम्प्युटर अपरेटरको रूपमा ३० हजार २०० रुपैयाँ सेवा सुविधासहित नियुक्त गरिएको छ । 

यज्ञबहादुर वलीलाई हलुका सवारी चालकको रूपमा २४ हजार रुपैयाँ तलब सुविधा पाउने गरी नियुक्त गरिएको छ । शान्तिकुमारी वलीलाई कार्यालय सहायकको रूपमा २१ हजार ४८० तलबसहित नियुक्त गरिएको छ । सुनिल दहित कम्प्युटर अपरेटरको रूपमा ३० हजार २०० रुपैयाँ तलब पाउने गरी कार्यरत छन् । सवारी चालकको रूपमा हुकुमबहादुर केसीलाई २४ हजार रुपैयाँ तलबसहित नियुक्त गरिएको छ । लोकबहादुर रायमाझीलाई कार्यालय सहायकको रूपमा २१ हजार ४८० रुपैयाँ तलब सुविधासहित नियुक्त गरिएको छ ।

ममता थापालाई कम्प्युटर अपरेटरको रूपमा ३० हजार २०० तलब, हलुका सवारी चालक जनम चौधरीलाई २४ हजार १०, प्रज्वल केसीलाई कार्यालय सहायकमा २१ हजार ४८०, दोभाषेको रूपमा मानवी केसी अधिकृतसरह ३७ हजार ९९०, कविराज अधिकारी क्यामेरा मेन ३० हजार २०० र कार्यालय सहायक अल्फा रोका मगरलाई २१ हजार ४८० रुपैयाँ सेवा पाउने गरी नियुक्त गरिएको छ । 

आफ्नालाई जागिर खुवाउन अनावश्यक पद सिर्जना

कार्यकर्तालाई जागिर खुवाउनकै लागि सरकारले अनावश्यक सचिवालयमा पद सिर्जना गर्नु गलत भएको प्रदेश सभामा प्रमुख प्रतिपक्ष दल नेकपा एमालेले जनाएको छ । 

एमाले संसदीय दलका उपनेता तथा पूर्व मन्त्री बैजनाथ चौधरीले वर्तमान सरकारको काम हेर्दा संघीयतालाई वितृष्णा फैलाउने खालको देखिएको बताए ।

‘यिनीहरूलाई केही गरौं भन्ने पनि छैन, भोलि निर्वाचित जितौंला भन्ने पनि छैन । मौका यही हो भन्ने मात्र देखिन्छ । कार्यकर्तालाई जागिर खुवाउने मात्र देखिन्छ,’ नेता चौधरीले भने, ‘सचिवालय जम्बो बनाउने होइन । त्यहीँका कर्मचारीलाई परिचालन गरेर काम गराउने हो । जम्बो र ठूलो बनाउँदैमा काम हुने होइन ।’

‘आवश्यकता नै बनेको हो’

प्रदेश सरकारका प्रवक्ता तथा आन्तरिक मामिला तथा सञ्चारमन्त्री तिलकराम शर्माले आवश्यकताले नै सचिवालय बनेको प्रतिक्रिया दिए । ‘मुख्यमन्त्रीको निजी सचिवालय ठ्याक्कै कति सदस्यीय छ भन्ने कुरा त मलाई पनि पूर्ण जानकारी छैन,’ शर्माले भने, ‘मुख्यमन्त्रीको कामलाई चुस्त र प्रभावकारी बनाउन नै सचिवालय बनेको हो ।’ 

‘अनावश्यक खर्च बन्देज लगाउनुपर्छ’

सुशासनविद् खेमराज रेग्मीले राज्यकोषको रकम फजुल खर्चमा बन्देज लगाउन आवश्यक भएको बताए । ‘जनताको करबाट जम्मा भएको राज्यकोषको रकम दुरुपयोग हुनबाट रोक्नुपर्छ,’ रेग्मीले भने, ‘नागरिक स्तरमा यस्ता विषयहरू ल्याउनुपर्छ ।’

यस्ता गतिविधिले प्रदेश सरकार र संघीयतामाथि नै जनताको वितृष्णा पैदा गराउने रेग्मीले बताए । 

TATA Below
NLIC
बैशाख ४, २०७९

नेपालमा कुनै पनि हिमाल आरोहण नगरेका तथा आरोहणमा असफल भएकालाई समेत सफल आरोहणको आधिकारिक प्रमाणपत्र दिने 'गोरखधन्दा' मौलाएको छ । संस्कृति, पर्यटन तथा नागरिक उड्डयन मन्त्रालय, पर्यटन विभाग, ट्रेकिङ ए...

चैत २८, २०७८

राष्ट्रिय प्राणी उद्यान, सूर्यविनायक भक्तपुरको कार्यालय भवन, पानीट्यांकी सहितका भौतिक पूर्वाधार निर्माणदेखि बैठक भत्तासहितका अन्य खर्चमा व्यापक अनियमितता भएको निष्कर्षसहित राष्ट्रिय सतर्कता केन्द्रले कारवाहीका लागि निर्...

चैत १०, २०७८

वन तथा भू-संरक्षण विभागमा सरकारी गाडीको चरम दुरुपयोग भएको पाइएको छ । कानूनले नमिल्ने भएपनि शाखा अधिकृतदेखि उपसचिवसम्मले चारपांग्रे सवारी प्रयोग गरिरहेका छन् । त्यति मात्र होइन, त्यहाँ कार्यरत कार्यालय सहयो...

चैत ६, २०७८

तस्करी गरेर नेपाल भित्र्याइँदै गर्दा बरामद भएको रक्तचन्दनको सुरक्षा सरकारका लागि टाउको दुखाइको विषय बनेको छ । बरामद रक्तचन्दनलाई डेढ दशकदेखि शसस्त्र प्रहरीले पहरा दिइरहेको छ । देशको प्रमुख प्रशासनिक केन्द्र सिं...

चैत २०, २०७८

त्रिभुवन विश्वविद्यालय सेवा आयोगले विश्वविद्यालयमा स्थायी पदपूर्तिका लागि लिएको परीक्षामा गम्भीर धाँधली भएको पाइएको छ । प्रश्नले मागेको उत्तर नै नलेखी उत्तरपुस्तिका खाली छाडेका परीक्षार्थीलाई उच्च अंक दिएर प्रथम&...

फागुन १८, २०७८

राज्यको लगानीमा अध्ययनका लागि अस्ट्रेलिया पुगेका कृषि तथा पशुपन्छी विकास मन्त्रालयका सहसचिव राजेन्द्र अधिकारी विगत ६ वर्षदेखि बेपत्ता छन् । दुई वर्षका लागि सरकारी कोटामा अध्ययन गर्न अस्ट्रेलिया पुगेका अधिकारी उत...

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

जेठ १३, २०७९

नेपाली कांग्रेसमा आबद्ध हुनुभएका महानुभावहरू साथै मेरो बुवा (गोविन्दराज जोशी)का साथीहरू, मैले आदरणीय मानेका काका ठूलोबाहरू, मेरा बुवा र हामी सम्पूर्ण परिवारले ५० औँ वर्षसम्म तपाईंसँग एउटै यात्रामा प्रजातन्त्र...

यौन अपराधमा हदम्याद : नेपालको कानून र अन्तर्राष्ट्रिय अभ्यास

यौन अपराधमा हदम्याद : नेपालको कानून र अन्तर्राष्ट्रिय अभ्यास

जेठ १२, २०७९

जब कुनै आपराधिक घटनाहरू समाजमा उजागर हुन्छन् त्यसपछि मुलुकको विद्यमान कानूनले के भन्छ भन्ने प्रश्न उठ्न थाल्छ । कानूनमा कुनै खालीपन रहेछ भने अभियन्ताहरूले सुधारको बाटो देखाउँछन्। समाजको वास्तविक आवश्यकता यही रहे...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

ad
x