×

NMB BANK
NIC ASIA

बजेटबाहिरबाट योजना प्रस्ताव

भौतिकले मागेका साढे ५ अर्बका योजना अस्वीकृत, मन्त्रीले जिल्लामा लान खोजेकी थिइन् ६० करोड

पुस २६, २०७८

NTC
Sarbottam
Premier Steels
Marvel

भौतिक पूर्वाधार तथा यातायात मन्त्रालयले बजेट बाहिरबाट प्रस्ताव गरेका ५ अर्ब ५६ करोड रूपैयाँ बराबरका आयोजना अर्थ मन्त्रालयले अस्वीकृत गरिदिएको छ । 

Sagarmatha Cement
Muktinath Bank

दुईदिनको अन्तरमा अर्थ मन्त्रालयले सचिवस्तरीय निर्णय गरेर ती आयोजनालाई बजेट दिन अस्वीकार गरिदिएको हो ।


Advertisment
RMC TANSEN
IME BANK INNEWS
shivam ISLAND

त्यसरी अस्वीकृत हुनेमा भौतिक पूर्वाधार तथा यातायात मन्त्री रेणु यादवले गृहजिल्ला सप्तरीमा सडक निर्माणका लागि प्रस्ताव गरेका आयोजनाहरू समेत छन् । 


Advertisment
Nabil box
Kumari

मन्त्रालय स्रोतका अनुसार मन्त्री यादवले सप्तरीमा ५ सडक खण्डका लागि ६० करोड रूपैयाँको योजना प्रस्ताव गरेकी थिइन् । 

Vianet communication
Laxmi Bank

उनले सप्तरीको रुपनी–राजविराज, राजविराज–हनुमाननगर, कदमाहा चोक–प्रमाणपुर र खर्चुहिया–सिसवा–धनगढी–देउरीसम्मको सडक स्तरोन्नतिका लागि योजना प्रस्ताव गरेकी थिइन् । 

यस्तै चार लेनको सडक निर्माण तथा स्तरोन्नतिका लागि प्रस्ताव गरिएको योजना पनि अर्थ मन्त्रालयले अस्वीकृत गरिदिएको छ ।

विनियोजित बजेटबाट नै व्यवस्थापन गर्नु पर्ने तथा थप बजेट माग गरिएका आयोजनाहरू आगामी आर्थिक वर्षको बजेट तर्जुमा चरणमा प्रस्ताव गर्न भन्दै अर्थ मन्त्रालयले अस्वीकृत गरिदिएको हो ।

२०७८ पुस १८ र पुस २० गते गरी दुई दिनको अन्तरालमा अर्थ मन्त्रालयको सचिवस्तरीय निर्णय गरी कुल १६ वटा योजनाको ५ अर्ब ५६ करोड १९ लाख ९७ हजार रुपैयाँको योजना अस्वीकृत गरिएको छ ।

‘मन्त्रालयबाट विभिन्न आयोजनाहरूका लागि थप बजेट माग तथा सोही बमोजिम एलएमबीआईएस प्रविष्ट र संशोधन गरी पाऊँ भनी आएको विषय पेश हुँदा यसै आर्थिक वर्षमा स्वीकृत आयोजना र कार्यक्रमका लागि थप बजेट आवश्यक भएमा त्यस मन्त्रालय वा अन्तर्गतका विनियोजित बजेटभित्रबाट नै रकमान्तर गरी व्यवस्थापन गर्ने,’ अर्थ मन्त्रालयको पत्रमा थप लेखिएको छ, ‘भौतिक तथा वित्तीय प्रगतिको आधारमा क्रमशः बजेट व्यवस्थापन गर्दै जाने र नयाँ कार्यक्रम र आयोजनाका हकमा आगामी आर्थिक वर्षको बजेट तर्जुमा चरणमा बजेट प्रस्ताव गरी पठाउन हुन सचिव स्तरीय निर्णयानुसार अनुरोध गरिन्छ ।’

लोकान्तरलाई प्राप्त जानकारीअनुसार मन्त्री यादवले आफ्नो गृह जिल्लाबाहेक बहुवर्षीय योजनाहरूमा समेत थप रकम विनियोजन गरेर स्रोत सुनिश्चितताका लागि रकम माग गरेकी थिइन् । तर अर्थले रोकिदिएको छ ।

जसमध्ये सडक डिभिजन दोलखाबाट निर्माण भइरहेको चौतारा शहरी सडक तथा मेलम्ची खानेपानी आयोजना दोस्रो चरणको बाँधस्थलसम्म पुग्ने पहुँच मार्गका लागि १३ करोड २८ लाख ५७ हजार रुपैयाँ माग गरिएको थियो ।

काठमाडौं उपत्यका सडक विकास प्राधिकरणबाट निर्माण हुने आदर्शचोक घ्याम्पेडाँडा सडकका लागि ५ करोड ९९ लाख ७८ हजार रुपैयाँ माग गरिएको थियो ।

रेल, मेट्रोरेल तथा मोनोरेल आयोजना अन्तर्गत करार सेवाका विभिन्न क्रियाकलापहरूका लागि ५ लाख ८६ हजार रुपैयाँको थप रकम माग गरिएको थियो । 

सडक डिभिजन जुम्लाबाट निर्माण हुने नयाँ योजना नेपालगंज–दैलेख–महाबुलेक गाल्जे भात्तडी, रताहा, नाम्मगमगढी, नाक्चेलाग्ना सडकका लागि स्रोत सुनिश्चितता सहित १ अर्ब ३९ करोड रुपैयाँको योजना प्रस्ताव गरिएको थियो ।

त्यसैगरी सडक पूर्वाधार विकास कार्यक्रमअन्तर्गत सडक विभागले काम गर्ने गरी सुन्दरीजल–पार्टीभञ्ज्याङ–थानकुने सहितको सडक निर्माणका लागि ६० करोड रुपैयाँको स्रोत सुनिश्चितताका लागि माग गरिएको थियो ।

हुलाकी राजमार्ग आयोजना वीरगञ्जले हेर्ने गरी जटही –जनकपुर–ढल्केवर सडक आयोजना अन्तर्गतको जनकपुर परिक्रमा सडक मुआब्जा तथा क्षतिपूर्ति वितरणका लागि २७ करोड ७४ लाख ५० हजार रुपैयाँ माग गरिएको थियो ।

नागढुंगा सडक निर्माण आयोजनाअन्तर्गत मुआब्जा तथा क्षतिपूर्ति वितरणका लागि १ अर्ब १४ करोड ७५ लाख ६८ हजार रुपैयाँ माग गरिएको थियो । 

एडीबी अन्तर्गतको आयोजनाको कञ्चनपुर कमला पूर्वी र पश्चिम सडक खण्ड तथा पुल निर्माणका लागि ४३ करोड १६ लाख ८४ हजार रुपैयाँ माग गरिएको थियो ।

त्यसैगरी सडक पूर्वाधार विकास कार्यक्रम अन्तर्गत सडक डिभिजन दोलखाले हेर्ने गरी बाह्रबीसे–ठिमसाङ–विगु–थिलेखा–लाहुक–ब्रटाङ–लामाबगर, तामाकोशी–लामाबगर–चीन बोर्डर, नौबीसे–कुभिन्डे–चौतारा–मेलम्ची तथा भीरकोट–छौँडे–देउराली र सुनखानी–साड्वा सडकका लागि गत वर्षको दायित्व भुक्तानी गर्नुपर्ने भन्दै ३ करोड ५४ लाख रकम माग गरिएको थियो ।

सडक विभागद्वारा बानेश्वरमा भवन निर्माणका लागि १ अर्ब ३२ करोडको स्रोत सुनिश्चिततासहित ६ करोड ६० लाख रकम माग गरिएको थियो । 

सडक सुधार तथा विकास निर्देशनालयमार्फत हुने वसन्तपुर–कटहरिया–कवागोठ–पिप्रादी–गण्डक नहर सडक र लंगवा शहरी सडकको मुआब्जा तथा क्षतिपूर्ति वितरणका लागि १ करोड रुपैयाँ माग गरिएको थियो । वैकल्पिक सहायक राजमार्ग कार्यक्रमअन्तर्गत सडक डिभिजन लहानले हेर्ने मिर्चैया कल्याणपुर सडक निर्माणका लागि  ३ करोड रुपैयाँ माग गरिएको थियो ।

त्यसैगरी रणनीतिक सडक तथा पुल निर्माण तथा पुलेसा निर्माण कार्यक्रमअन्तर्गत जटही–जनकपुर–ढल्केवर सडक अन्तर्गत महोत्तरीको महेन्द्र पुल निर्माणका लागि १ करोड २० लाख रुपैयाँ माग गरिएको थियो । 

सुरुङमार्ग विकास कार्यक्रमअन्तर्गत गुणस्तर अनुसन्धान तथा विकास केन्द्रले हेर्ने दुम्कीबास बर्दघाट तथा माझिमटार–शक्तिखोर सडक खण्डमा विस्तृत सम्भाव्यता अध्ययन कार्यका लागि १ करोड ९२ लाख ११ हजार रुपैयाँ माग गरिएको थियो ।

hAMROPATRO BELOW NEWS
TATA Below
मंसिर ८, २०८०

पश्चिम नवलपरासीका एमाले नेता थानप्रसाद गैरेले सरकारी विद्यालयको जग्गा बिक्री गरेको अख्तियार दुरुपयोग अनुसन्धान आयोगले लगाएको छ । उनले सरकारी जग्गा अतिक्रमण गरी बिक्री गरेको भन्दै अख्तियारले छानबिन गरी कारबाही ...

कात्तिक २४, २०८०

अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...

मंसिर २९, २०८०

सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...

असोज १९, २०८०

ने​पालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...

मंसिर २७, २०८०

निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...

पुस २१, २०८०

यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x