०६ साउन २०८३, बुधबार
जाडोमा गाजर खान मज्जा आउँछ । मानिसहरू गाजरको तरकारी, अचार, हलुवा र सुप बनाएर पिउँछन् ।
यो स्वादिलो पनि हुन्छ अनि यसले इम्युनिटी पावर पनि बढाउँछ । यसले भाइरल इन्फेक्सनबाट समेत बचाउँछ ।
सामग्री
गाजर आवश्यकताअनुसार
हरियो प्याज दुईवटा (काटेको)
बेसार आधा चम्चा
मरिचको धूलो अलिकति
लसुन ५ पोटी
पानी आवश्यकताअनुसार
अदुवा सानो टुक्रा
विधि
पहिला प्यानमा पानी, गाजर, लसुन, अदुवा र हरियो प्याज राखेर उमाल्नुस् ।
उम्लेका कुरालाई मिक्सीमा पिस्नुस् ।
तयार भएको मिश्रणमा आवश्यकताअनुसार नून र पानी राखेर पातलो बनाउँदै पकाइरहनुस् ।
एकपल्ट भुक्लुक्क उम्लेपछि मरिच र बेसार राखेर बिर्को लगाएर पकाउनुस् ।
गाजर र बेसारको सुप तयार भयो ।
यसलाई हरियो प्याज र मलाईले सजाएर पस्किनुस् ।
