गायक राजु परियारको पछिल्लो गीत 'काफल चरी' सार्वजनिक भएको छ । गीतमा राजु परियार र मेलिना राईको स्वर रहेको छ ।

प्रकाश सापकोटाको लय तथा शब्द रहेको गीतमा बीबी अनुरागीको संगीत संयोजन तथा श्यामश्वेत रसाइलीको मिक्सङ छ ।

गीतको भिडियो महेन्द्र निरौलाको निर्देशनमा तयार भएको हो । जसमा सीमा ढकाल र विजय गिरीको अभिनय छ ।

देवेन्द्र कुँवरको कोरियोग्राफी रहेको गीतमा प्रकाश खड्काको छायांकन र विकास ज्ञवालीको सम्पादन रहेको छ । 

गीत टुलमुन म्युजिकको युट्युब च्यानलमार्फत् सार्वजनिक भएको छ । गीतमा दुई जोडीको मायाप्रेमको कथालाई दोहोरी गीतमा समावेश गरिएको गीतकार प्रकाश सापकोटाले जानकारी दिएका छन् । 

टुलमुन म्युजिकले  यसअघि पनि प्रमोद खरेल, कृष्ण काफ्ले र शीतल मोक्तानको स्वरमा रहेको गीतको भिडियो सार्वजनिक गरिसकेको छ ।