कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
बैशाख ११, २०७९
जहाज किन्दा लिएको ऋणले थलिएको वायुसेवा निगम ऋणदाता निकायका प्रतिनिधिलाई फकाउन साउदी अरेबियाको ४ दिने टूरमा छ ।
निगमले ११९ यात्रु लिएर शुक्रबार साँझ साउदी अरेबिया गएको छ । यो उडानमा २५ जनाभन्दा बढी जानै नपर्ने व्यक्तिलाई समावेश गरेर निगमले साउदी घुमाइरहेको छ ।
यो उडानमा असम्बन्धित व्यक्ति समावेश हुँदा निगमको दायित्व मात्रै बढ्ने र आम्दानी बढाउन सहयोग नगर्ने निगमकै एक उच्च अधिकारीले बताए ।
लाभ नहुने व्यक्तिलाई समावेश गरेर निगमले साउदी लगेको उनको भनाइ छ । निगमले यो उडानमा एकै व्यक्तिलाई लाखौं रुपैयाँ खर्चिएको निगमका ती अधिकारीले जानकारी दिए ।
निगमको काठमाडौं–रियादको एकतर्फी भाडा नै ३७ हजार रुपैयाँ तोकिएको छ । यही टिकट दरलाई आधार मान्ने हो भने पनि आउने र जाने टिकटमा मात्रै प्रति यात्रु कम्तिमा ७० हजार खर्च हुन्छ ।
निगमका एक उच्च अधिकारीका अनुसार ४ दिनको प्याकेजसहित एक जनाका लागि निगमको करीब ३ लाख रुपैयाँ खर्च हुन्छ । २५ भन्दा बढी असम्बन्धित व्यक्तिका लागि झण्डै एक करोडको हाराहारीमा खर्च हुने अवस्था छ ।
उच्च पदाधिकारीको आफन्त आसेपासे तथा निगम पदाधिकारी निकटका व्यक्ति रिझाउन साउदी टूरमा लगिएको पाइएको छ ।
घाटामा रहेको निगमले साउदी लगेको टोलीमा अर्थ मन्त्रालयका प्रतिनिधि, नियामकीय निकाय, सांसद, पर्यटन मन्त्रालय, ऋणदाता सञ्चय कोष र नागरिक लगानी कोष, कलाकार, पत्रकार, संगीतकर्मी समेत छन् ।
यसरी अनावश्यक खर्च गर्ने गरी निगमले साउदी टूरमा ठूलो टोली लिएर जानु अहिलेको अवस्थामा घातक निर्णय भएको निगमकै अधिकारी बताउँछन् ।
शुक्रबार साँझ निगमले पूर्ण खर्च व्यहोर्ने गरी लगेको उक्त टोली सोमवार मात्रै फर्कने भएको छ ।
निगमको साउदी अरेबिया उडानमा गएका र निगमले खर्च बेहोर्नुपर्ने व्यक्तिमा निगमका कार्यकारी अध्यक्ष युवराज अधिकारी, व्यवसायी चन्द्रप्रसाद ढकाल, बोर्ड सदस्य तथा व्यवसायी किशोर प्रधान, पर्यटन सहसचिव टोकराज पाण्डे, उड्डयन प्राधिकरणका निर्देशक जगन्नाथ निरौला, गायक दीप श्रेष्ठ, सांसदद्वय महेश बस्नेत, नरमाया ढकाल, नेतृ कल्पना धमलासहितका व्यक्ति छन् ।
यी बाहेक निगमको खर्चमा साउदी टूरमा परेकामा व्यक्तिहरूमा सन्तोष पौडेल, सुधीरशम्शेर राई, सन्तोष बीसी, लक्ष्मीकुमार चौधरी, भुषण दाहाल, हरिसचन्द्र घिमिरे, सन्तोष पौडेल, चेतबहादुर कार्की, सुन्दर बास्तोला, सुरज कुँवर, सन्तोष पाण्डेसहितका व्यक्ति परेको छन् ।
पर्यटन मन्त्रीका स्वकीय उपसचिव हेमन्त रेग्मीका अनुसार पर्यटन मन्त्रालयले ऋणमा डुबेर घाटामा रहेको संस्थालाई अनावश्यक खर्च नगर्न र असम्बन्धित व्यक्तिलाई सयर गराएर खर्च नबढाउन दिएको सुझाव निगमले बेवास्ता गरेको छ । रेग्मीले भने, ‘पर्यटन मन्त्रालय, नियामक निकाय, ऋणदाताका प्रतिनिधि लैजानु त सामान्य भयो तर लानैनपर्ने व्यक्तिलाई पनि लगेर निगमले खर्च मात्रै बढाउने काम गरेको छ ।’
निगमलाई पर्यटन मन्त्रालयले अत्यावश्यक व्यक्तिबाहेक अरूलाई उडानमा राखेर खर्च नबढाउन आग्रह गर्दागर्दै पनि २५ जनाभन्दा बढीको टोलीलाई खर्च गरेर साउदी लगेको पाइएको छ ।
निगमका कार्यकारी अध्यक्षसहितको उक्त टोलीले पर्यटन मन्त्रालयको निर्देशनविपरीत गरेको भ्रमणका सम्बन्धमा स्पष्टीकरण सोधिने रेग्मीले बताए ।
रेग्मीका अनुसार पछिल्लो समय बढाएको अनावश्यक खर्च, नियमित उडान तालिका प्रभावित हुने गरी आन्तरिक उडानको जहाजलाई चार्टरमा लगाएको विषयमा निगमलाई स्पष्टीकरण सोधिएको छ ।
निगमका कार्यकारी अध्यक्ष साउदी टूरमा भएकाले उनी फिर्किएपछि यही उडानको विषयमा थप स्पष्टीकरण सोधिने छ ।
निगमलाई फजुल खर्च कम गर्न र उडानबाटै नाफा कमाएर ऋण तिर्न सक्ने योजना पेश गर्न पर्यटन मन्त्रालयले आग्रह गरेको छ ।
उक्त आग्रहलाई पनि बेवास्ता गर्दै निगम चुप लागेर बसेका कारण जहाज किन्दा लिएको ऋण ३७ अर्ब रुपैयाँ नाघिसकेको छ । निगमले जहाज किन्दा लिएको ऋणको सावा र ब्याजसमेत ३ वर्षदेखि तिर्न सकेको छैन ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...