एलियनको बारेमा हरेक दिन विभिन्न दाबीहरू गरिन्छ । अन्तरिक्षमा एलियनहरूको अस्तित्व सबैभन्दा ठूलो रहस्य हो । के ब्रह्माण्डमा एलियनहरू छन् ? वर्षौंदेखि, वैज्ञानिकहरूले यस प्रश्नको जवाफ खोजिरहेका छन्, तर उनीहरूले एलियनबारे कुनै ठोस प्रमाण फेला पार्न सकेका छैनन् । 

तर, हरेक दिन एलियनको बारेमा अनौठो दाबीहरू भने गरिन्छ । 

केही मानिसहरूले पृथ्वीमा एलियन र यूएफओहरू देखेको दाबी गरेका छन् । 

यसैबीच, हार्वर्डका एक वैज्ञानिकले अर्को संसारको प्राणीको बारेमा नयाँ दाबी गरेका छन् ।

प्रशान्त महासागरमा एलियन्सको विमान यूएफओ दुर्घटना हुने सम्भावना रहेको वैज्ञानिकले दाबी गरेका हुन् । 

यस दाबीलाई प्रमाणित गर्न वैज्ञानिकहरूले एउटा मिसन तयार गरिरहेका छन्। अब बैज्ञानिकको दाबीमा कति सत्यता छ त्यो भने आउने समयमै थाहा हुनेछ । 

एक मिडिया रिपोर्टका अनुसार, एस्ट्रोफिजिसिस्ट एवी लोएब दाबी गर्छन् कि अन्तरिक्ष यान जस्तो देखिने वस्तु पृथ्वीमा दुर्घटना भयो र  पपुवा न्यू गिनीको मानुस टापुको तटमा ठोक्कियो । अमेरिकी अन्तरिक्ष कमाण्डले यो उल्कापिण्ड मात्र भएको बताएको छ ।

अवि लोएबले विगतमा यस्ता दाबी गरेका छन् जसले धेरै हेडलाइन्स बनाएका छन् । उनले लामो समयदेखि अन्तरिक्ष अनुसन्धान गरिरहेका छन् । वैज्ञानिकहरू प्रायः तिनीहरूको दाबीसँग असहमत हुन्छन् ।

लोएबले समुद्रबाट अन्तरिक्षबाट वस्तुहरू संकलन गरेर तिनीहरूको प्रकृति र संरचनाबारे अनुसन्धान गर्न सकिने बताएका छन् । लोएबको यो दाबीले फेरि एकपटक वैज्ञानिकहरूलाई चकित बनाएको छ ।