×

X
Nic Asia
Dabur
Marvel

वडाध्यक्षको टिकटका लागि सांसद यादवले ५० लाख मागेको आरोप

सांसद भन्छन् – सत्यता छैन, निराधार र फर्जी आरोप हो

काठमाडाैं | बैशाख १४, २०७९

TVS INSIDE

प्रतिनिधि सभाका सांसद प्रदीप यादवले वीरगञ्ज महानगरपालिकाको वडाध्यक्षको टिकट वितरणमा पैसाको ‘बार्गेनिङ’ गरेको आरोप लागेको छ । 

IME BANK INNEWS

वीरगञ्ज महानगरपालिका–१ को वडाध्यक्षको टिकटका लागि सोही वडाका बैजनाथप्रसाद साहसँग ५० लाख रुपैयाँ यादवले मागेको आरोप साहले लगाएका हुन् ।


Advertisment
NMB BANK
RMC TANSEN
Saurya island

जनता समाजवादी पार्टी (जसपा) नेपालले वीरगञ्ज महानगरको वडाध्यक्षको उम्मेदवार बनाउन लागेको र अन्तिम समयमा यादवले पैसा मागेर टिकट नदिएको साहले बताए । संघीय प्रतिनिधि सभाका सांसद यादव पनि जनता समाजवादी पार्टीकै हुन् । 

वडाध्यक्षको उम्मेदवार मनोनयन दर्ताका लागि मुख्य निर्वाचन अधिकृतको कार्यालयमा पुगेकोमा ५० लाख रुपैयाँ दिने भए मात्रै टिकट दिन सकिने भनेर सांसद यादव स्वयंले भनेको साहले लोकान्तरलाई बताए ।

‘म उम्मेदवारी दर्ताका लागि जुलुससहित आदर्शनगर गएको थिएँ । मेरो जुलुसमा करीब २०० जना सहभागी थिए । त्यहाँ पुगेपछि प्रदीप यादवले वीरगञ्जको पुजन होटल बोलाउनुभयो र उम्मेदवारी दर्ता गर्ने भए ५० लाख दिनुपर्छ भनेर बार्गेनिङ गर्नुभयो । मैले पैसा दिन सक्दिनँ भनेपछि मलाई उम्मेदवारी दर्ता गर्न दिनुभएन,’ साहले भने । 

वीरगञ्ज महानगरपालिका–१ को अध्यक्षमा जसपाबाट मनोज कुर्मीले टिकट पाएका छन् । उनी मनोनयन दर्ताको अघिल्लो दिन मात्रै कांग्रेसबाट जनता समाजवादी पार्टी प्रवेश गरेका थिए । 

Vianet communication
Maruti inside

‘शुरूमा जसपाकै नेताहरू आएर १ नम्बर वडामा चुनाव लड्ने मान्छे भएन, तपाईंले तयारी गर्नुपर्‍यो भनेका थिए । राजेशमान सिंहकै मान्छेहरू आएका थिए । उनीहरूले भनेपछि मैले चुनाव लड्ने तयारी गरेको थिएँ,’ साहले लोकान्तरसँग भने, ‘वैशाख १० गते राजेशमान सिंहलाई नै सहभागी गराएर १ नम्बर वडामा ठूलो आमसभा आयोजना गरेका थियौं । त्यहाँ पनि मलाई नै उम्मेदवार घोषणा गरिएको थियो ।’

बैजनाथप्रसाद साह वीरगञ्ज महानगरपालिका–१ मा सामाजिक व्यक्तिका रूपमा परिचित छन् । उनको जीविकोपार्जनको मुख्य स्रोत कृषि हो । सामाजिक काममा योगदान पुर्‍याउँदै आएका उनलाई वडाध्यक्षको उम्मेदवार बनाउने प्रस्ताव आएपछि उत्साहित भएका थिए ।

उम्मेदवारी दर्ता गर्न जाँदाको जुलुसमा सहभागी भएकाहरूलाई छाता मात्रै ३०० वटा वितरण गरेको साहले बताए । 

‘उम्मेदवारी दर्ताको तयारीकै क्रममा मेरो २ लाख रुपैयाँभन्दा बढी खर्च भएको थियो । वैशाख १० गते गरिएको आमसभामा नै धेरै खर्च भएको थियो । उम्मेदवारी दर्ता गर्न जाने जुलुसका लागि ३०० वटा छाता बाँडेको थिएँ,’ साहले भने । 

निर्वाचनको सबै तयारी गरेपछि अन्तिममा टिकट नदिएर आफ्नो राजनीतिक हत्या गरेको साहले बताए । ‘पैसा नभई राजनीति नहुने रहेछ । पैसाको चलखेल गरेर मेरो राजनीतिक हत्या गरियो । यस्तो होला भन्ने मैले कहिल्यै सोचेको थिइनँ,’ साहले भने ।

साहको घर

यादवको खण्डन 

सांसद यादव आफ्नो पार्टीका जुनसुकै तहको टिकटका लागि कसैले पैसाको बार्गेनिङ गर्न नसक्ने बताउँछन् । वडाध्यक्षको टिकटका लागि ५० लाख रुपैयाँको बार्गेनिङ गर्नुभएको भन्ने आरोप छ नि भन्ने प्रश्नमा सांसद यादवले हाँस्दै भने, ‘हाम्रो पार्टीमा यस्तो धन्दा चल्दैन । कसैले पैसाको बार्गेनिङ गर्न सक्दैन । यो विरोधीले हल्ला चलाएको बकम्फुसे कुरा हो ।’

टिकट वितरणमा आफ्नो सहभागिता नहुने पनि उनले बताए । ‘टिकट वितरणमा पार्टीको सिस्टम छ । मैले टिकट दिने होइन,’ उनले भने ।

उम्मेदवारी दर्ताका दिन साहसँग वीरगञ्जको पुजन होटलमा भेट भएको यादवले स्वीकारे । ‘पुजन होटलमा उहाँसँग कुरा भएको हो । मैले मात्रै एक्लै कुरा गरेको होइन । हामी १२–१३ जना थियौं । उहाँको उमेर पनि वृद्धावस्थाको भएको र काम गर्न सक्ने मान्छे उम्मेदवार हुनुपर्ने भएकाले उहाँलाई दाबी छोडिदिनुस् भनेर आग्रह गरिएको हो । पैसा मागिएको होइन,’ यादवले भने । 

विकास र समृद्धिको काम गर्नुपर्ने र उनको उमेरले पनि नसक्ने भएकाले क्षमतावान युवालाई उम्मेदवार बनाउन सहयोग गर्नुहोस् भनेर अनुरोध मात्रै गरेको यादवले बताए । 

‘उहाँको उमेर ६० वर्षभन्दा माथि भइसकेको छ । अहिले वडाध्यक्ष बनाउन नसकिए पनि पार्टीमा सम्मानित स्थानमा राखौंला भनेका थियौं,’ यादवले भने, ‘पैसाको बार्गेनिङ गर्‍यो भनेर लगाइएको आरोप निराधार र फर्जी छ ।’

TATA Below
NLIC
साउन ३१, २०७९

नेकपा माओवादी केन्द्रका स्थायी समिति सदस्य वर्षमान पुन अनन्तले अध्यक्ष पुष्पकमल दाहाल प्रचण्डको  टोलटोलमा सालिक बनाउने दिन आउने बताएका छन् । १९औं दोरम्बा हत्याकाण्ड स्मृति दिवसमा रामेछापको दोरम्बामा आयोजित कार्...

साउन ३१, २०७९

सभापति शेरबहादुर देउवाले केन्द्रीय सदस्य नबनाएपछि कांग्रेस नेतृ पार्वता डीसी चौधरीले पार्टी छाड्ने घोषणा गरेकी छन् । देउवाले मंगलबार १० जनालाई केन्द्रीय सदस्य बनाएलगत्तै उनले असन्तुष्टि जनाउँदै पार्टी परित्याग गर्न...

साउन ३१, २०७९

राष्ट्रियसभा सदस्य वामदेव गौतमले निर्वाचनमा जीत सुनिश्चित गर्नका लागि नेकपा माओवादी केन्द्रको चुनाव चिह्न लिएको बताएका छन् । मंगलवार आगामी निर्वाचनमा सहकार्य गरेर अर्को पार्टीको चुनाव चिह्नबाट चुनावमा सहभागी ब...

साउन ३१, २०७९

गत स्थानीय चुनावको खर्च विवरण पेश नगर्ने देशभरका १ लाख २३ हजार ७८३ उम्मेदवारलाई कारवाही गर्न निर्वाचन आयोगले प्रक्रिया अगाडि बढाएको छ । निर्वाचनमा भएको सम्पूर्ण खर्चको विवरण तोकिए बमोजिमको ढाँचामा निर्वाचन प...

साउन ३१, २०७९

प्रमुख प्रतिपक्ष दल नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवाले श्रीमती र सालाहरू अगाडि सारेर देशमा भ्रष्टाचार गरिरहेको आरोप लगाएका छन् ।   पूर्व प्रधानमन्त्री समेत रहेका अध्यक्ष ओली...

साउन ३१, २०७९

प्रतिनिधिसभा र प्रदेशसभा सदस्य निर्वाचनका लागि नयाँ र पुराना गरी ८४ दलले दर्ताको निवेदन दिएका छन् । सरकारले निर्वाचन आयोगको परामर्शमा यही साउन १९ गते आगामी मङ्सिर ४ गतेका लागि एकै चरणमा निर्वाचनको मिति घोषणा...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x