संसद भवनभित्र पोर्न चलचित्र हेर्ने ब्रिटिश सांसदले पदबाट राजीनामा दिएका छन् । 

संसदमा २ पटक पोर्न भिडियो हेरेको अर्की महिला सांसदले संसदमै बताएपछि यस घटनाबारे चर्चा भएको थियो । 

ब्रिटिश सांसद नील पेरिसले आफूले शुरूमा नजानेर र पछि जानीबुझी नै पोर्न फिल्म हेरेको बताएका छन् । 

उनले राजीनामा दिँदै गर्दा यी दुई कुरा बताएका हुन् ।

शुरूमा एक वेवसाइट क्लिक गर्दा अचानक पोर्नतर्फ क्लिक भएको बताएका छन् । त्यसपछि दोस्रोपटक भने आफूले जानीबुझी नै पोर्न फिल्म हेरेको उनको भनाइ रहेको अन्तर्राष्ट्रिय सञ्चारमाध्यमहरूले उल्लेख गरेका छन् । 

ती सांसदले यसरी पोर्न फिल्म हेर्नु राम्रो नभएको समेत उल्लेख गरेका छन् । उनले आफूले पोर्न हेरेकोमा अहिले पश्चाताप लागेको समेत बताएका छन् । 

ती सांसद बेलायतका प्रधानमन्त्री बोरिस जोनसोनको कन्जरभेटिभ पार्टीको समदस्य हुन् ।