साताको  दोस्रो  कारोबार  दिन  सोमबार  नेप्से  परिसूचक  १२.२७  अङ्कले बढेर २२६८.८४ मा पुगेर बजार बन्द भएको छ ।

यो अघिल्लो दिनको  तुलनामा  ०.५४  प्रतिशतले  बढेको हो ।

दिनभरको      कारोबारमा      नेप्से  परिसूचक  न्यूनतम  २२५५.४५  र   उच्चतम   २२८९.८४   बीच   उतारचढाव आएको थियो । सेन्सेटिभ परिसूचक  ३.१२  अङ्कले  बढेर  ४३९.४७ कायम भएको छ । शेयर बजारमा देखिएको केही दिनदेखिको ओरालो यात्रा आइतबार रोकिएको  थियो  ।  

यो  साताको  पहिलो  कारोबार  दिन  आइतबार  शेयर बजार मापक नेप्से परिसूचक १७.९५  अङ्कले  बढेर  २२५६.५७  पुगेको थियो ।

आज   शेयर   बजार   बन्द   हुँदासम्म ११४ कम्पनीको शेयर मूल्य बढेको छ भने ७१ कम्पनीको घटेको र  आठ  कम्पनीको  शेयर  मूल्यमा  परिवर्तन भएन । सोमबार  भएको  कारोबारमा  २२२ कम्पनीको ३३ लाख २४ हजार ८२२ कित्ता किनबेच भयो । यसबाट एक अर्ब ३९ करोड छ लाख सात हजार  ७२०  रुपियाँको  कारोबार  भएको  छ  ।  

अघिल्लो  दिन  २३३  कम्पनीको  ३३  लाख  ४१  हजार  २१४ कित्ता शेयर खरिद बिक्री हुँदा एक अर्ब ३२ करोड ६४ लाख २१ हजार ६७२ रुपियाँ बराबरको शेयर कारोबार भएको थियो ।

१३ समूहमध्ये चारवटा समूह जीवन बीमा ८२.१२, होटल र टुरिजम समूह २५.८५, विकास बैङ्क समूह २०.९१  अङ्क  तथा  लगानी  समूह  ०.०७ अङ्कले घटेको छ ।

सोमबार सबैभन्दा बढी लघुवित्त समूह  ६०.७५  अङ्कले  बढेको  छ  भने गैरजीवन बीमा ५७.०३, व्यापार समूह ३५.२२, उत्पादनमूलक समूह २७.१९, बैङ्किङ १४.७६, जलविद्युत् समूह १२.५३, अन्य समूह ५.९१, वित्त समूह १.६६ र म्युचुअल फन्ड ०.०८ अङ्कले बढेको छ ।