२२ असार २०८३, सोमबार
संसारमा एलियनहरूबारे विभिन्न दाबीहरू गरिएको छ ।
मानिसहरूले पृथ्वीमा एलियन र यूएफओहरू देखेको दाबी गर्छन् ।
केही मानिसहरूले ब्रह्माण्डमा एलियनहरू छन् भनी दाबी गर्छन्, जबकि धेरै मानिसहरूले यी दाबीहरूलाई अस्वीकार गर्छन् ।
विश्वका कुनै पनि वैज्ञानिकसँग ब्रह्माण्डमा एलियनहरूको अस्तित्वको कुनै ठोस प्रमाण छैन । यद्यपि, हरेक दिन एलियन र यूएफओहरूको बारेमा चकित पार्ने दाबीहरू गरिन्छ ।
वर्षौंदेखि वैज्ञानिकहरू अन्तरिक्षमा एलियनहरू खोज्दै आएका छन् तर अहिलेसम्म कुनै सफलता भने पाउन सकेका छैनन् ।
यसैबीच अमेरिकी अन्तरिक्ष एजेन्सी नासाका पूर्व प्रमुख वैज्ञानिकले एउटा अचम्मको दाबी गरेका छन् । अमेरिकी अन्तरिक्ष एजेन्सी नासाले अन्य संसारका यी जीवहरूको खोजी गरिरहेको छ ।
नासाका पूर्व प्रमुख वैज्ञानिक जिम ग्रीनले केही वर्षभित्रै मानिस र एलियन आमनेसामने हुने बताएका छन् ।
नासाका पूर्व प्रमुख वैज्ञानिक जिम ग्रीनले पृथ्वी बाहेक अन्य ग्रहमा जीवन रहेको र मानव वास्तवमै अचम्मको खोजको नजिक पुगेको बताए ।
जिम ग्रीनले नासामा ४० वर्ष काम गरेका छन् । एक उल्कापिण्डको नाम पनि जिमको नाममा राखिएको छ ।
एक मिडिया रिपोर्टका अनुसार एलियन लाइफको खोजी आफ्नो जीवनकालमै पूरा हुने उनको विश्वास छ ।
उनले पृथ्वीजस्ता धेरै ग्रह छन्, जहाँ सूर्यको किरण परेको थियो । त्यहाँ पनि पानी हुन सक्ने उनको भनाइ छ ।
नासाको नयाँ जेम्स वेब टेलिस्कोपले पनि टाढाका ग्रहहरूको फोटो खिचेको छ ।
जेम्स वेब टेलिस्कोपले वैज्ञानिकहरूलाई तिनीहरूको अनुसन्धान गर्न मद्दत गरेको छ, जसले त्यहाँको वातावरणको बारेमा जानकारी लिइरहेको छ ।
उनले आगामी केही वर्षमा साँच्चै अचम्मको खोज हुने दाबी गरे । नासाले आफ्ना दुईवटा मिसनहरूको जवाफ पाउने जिमले बताएका छन् ।
