नेपालकै सबभन्दा होचो ठाउँ भनेर चिनिने झापाको कचनकवल गाउँपालिकाको अध्यक्षमा नेपाली कांग्रेसका कालेन्द्र राजवंशीले अग्रता लिएका छन् । 

वडा नम्बर १ को ताजा परिणामअनुसार, उनले अहिलेसम्म ७९९ मत प्राप्त गरेका छन् भने उनलाई राप्रपाका अन्जरा आलमले ३०६ मतका साथ पछ्याइरहेका छन् । 

यस गाउँपालिकामा कांग्रेस र एमालेले राप्रपाविरुद्ध अध्यक्ष तथा उपाध्यक्ष पदका लागि गठबन्धन गरेका हुन् । 

उपाध्यक्षमा उठेका एमाले उम्मेदवार नवराज भट्टराईले ३५३ मत प्राप्त गरेका छन् । उनी राप्रपाकी निमसरी राजवंशीभन्दा पछि परेका छन् । राजवंशीले ४०९ मत ल्याएकी छन् । 

वडा नम्बर १ को अध्यक्षमा नेपाली कांग्रेस ६०० मतका अगाडि छ भने राप्रपाले ३८० मतका साथ पछ्याइरहेको छ ।