मतगणनामा खटिएका गणक कर्मचारी नआएपछि  दुई घन्टादेखि रोकिएको विराटनगर महानगरको मतगणना फेरि शुरू भएको छ ।  

महानगरको वडा नं १ को गणनामा खटिएका गणक प्रकाश ढुंगाना सम्पर्कमा नआएपछि सो वडाको मत गणना रोकिएको थियो ।

अहिले नयाँ कर्मचारी उमेश भट्टराईलाई ल्याएर मतगणना शुरू गरिएको मुख्य निर्वाचन अधिकृतको कार्यालयका सुचना अधिकारी हेम बहादुर बुढाथोकीले जानकारी दिए  ।

दिउँसोको सिटका गणक कर्मचारी बेलुका ८:२० मा परिर्वतन भएपछि गणक ढुंगाना बेपत्ता भएका थिए । मतगणनामा खटिएका एक कर्मचारीका अनुसार ढुंगाना गणना गर्न नसक्ने भन्दै हिँडेका थिए । 

गणना सुस्त भएपछि स्थानीय  आक्रोशित बनेका छन् । बिहान १० बजे देखि शुरू भएको मतगणनाको परिणाम अहिलेसम्म एक पटक मात्रै सार्वजनिक गरिएको छ ।