'जान्न तिम्रो घर 

उखु पेल्न दुःख छ, मलाई माइतै सुख छ ।'

यो गीत झण्डै १४ वर्ष अगाडि रिलिज भएको चलचित्र ‘विष’को हो, जून यतिबेला टिकटकमा हिट छ । चर्चित कलाकारहरूले समेत यो गीतमा टिकटक बनाएका छन् । 

कुनै समयकी सक्रिय अभिनेत्री ऋचा घिमिरेका श्रीमान शंकर घिमिरेको प्रस्तुती तथा निर्देशनमा चलचित्र ‘विष’को निर्माण भएको थियो । चलचित्रमा अभिनेताहरू राजेश हमाल, निखिल उप्रेती, सुशील क्षेत्री, अभिनेत्रीहरू सञ्चिता लुइँटेल, ऋचा घिमिरे, रेजिना उप्रेती लगायतको अभिनय छ । 

सोही चलचित्रमा समावेश गीत ‘मलाई माइतै सुख छ’ यतिबेला टिकटकमा हिट भएको हो ।

उसो त यो गीत त्यसबेला पनि हिट थियो । सामाजिक सञ्जाल टिकटकले अहिले यो गीतलाई फेरि एकपटक चर्चामा ल्याइदिएको हो ।

अहिले यो गीतमा टिकटक बनाउने लहर नै चलेको छ । महिला र पुरुष दुबैले यो गीतमा टिकटक बनाएको देखिन्छ । 

यो गीतका शब्द चर्चित गीतकार एकनारायण भण्डारीले लेखेका हुन् । विशेष त लोकदोहोरी गीत लेखनबाट ख्याति कमाएका भण्डारीले रोइला (खेली)को शैलीमा यस गीतको शब्द तयार पारेका थिए । 

सुरेश अधिकारीको संगीत रहेको गीतमा राजेशपायल राई र माण्डवी त्रिपाठीको स्वर छ । गीतको भिडियोमा अभिनेता राजेश हमाल, ध्रुव दत्त, सञ्चिता लुइँटेल, ऋचा घिमिरे, नीता ढुंगाना, आशा पौडेल लगायतको अभिनय छ ।

तीन दिन अगाडि चलचित्रको यस गीत युट्युबमा अपलोड गरिएको छ । जुन भिडियोले भ्युज पनि राम्रो पाउँदै गएको छ  । जहाँ धेरै दर्शकले टिकटकमा सुनेपछि आफूले युट्युबमा गीत खोज्दै आएको प्रतिक्रियाहरू दिएका छन् ।

भिडियो