×

Dabur
Nic Asia
Marvel

विराटनगरको बागडोर ३१ वर्षपछि कोइराला परिवारको हातमा

विराटनगर | जेठ ६, २०७९

TVS INSIDE

विराटनगर महानगरपालिकाको प्रमुखमा सत्तारुढ गठबन्धनबाट नेपाली कांग्रेसका उम्मेदवार नागेश कोइराला निर्वाचित भएका छन् ।

morang Auto yamaha

उनी ३० हजार १७० मत ल्याएर महानगर प्रमुखमा निर्वाचित भएका हुन् । 


Advertisment
NMB BANK
RMC TANSEN
Saurya island

एमाले उम्मेदवार सागर थापालाई ८ हजार ७१५ मतान्तरले पराजित गर्दै उनी निर्वाचित भएका हुन् । उनका निकटतम प्रतिद्वन्द्वी थापाले २१ हजार ४५५ मत पाएका छन् । 

मेयरमै राप्रपाका प्रह्लादप्रसाद साहले ५ हजार २१६ मत पाएका छन् भने स्वतन्त्र उमेश यादवले ८ हजार ९९५ मत पाएका छन् । 

Vianet communication
Maruti inside

उपमेयरमा शिल्पा निरौला कार्की विजयी बनेकी छन् । गठबन्धनका उम्मेदवारलाई पछि पार्दै उनले जितेकी हुन् । 

शिल्पाले २५ हजार ६८० मत ल्याउँदा जसपाका अरमेन्द्र यादवले १४ हजार २१९ मत मात्रै ल्याएका छन् । राप्रपाकी बिन्दा आचार्य दाहालले ६ हजार ४०१ मतमा पाएकी छन् । स्वतन्त्र उम्मेदवार नमिता न्यौपानेले ५ हजार ११७ मत पाएकी छन् । 

कोइराला परिवारमा विराटनगरको बागडोर

विराटनगरमा कोइराला परिवारले ३१ वर्षपछि मेयर पाएको छ । २०१४ सालमा केशवप्रसाद कोइरालाले विरानगरको मेयरमा जितेका थिए भने २०४९ सालमा अशोक कोइरालाले जितेका थिए ।

अशोक मेयर भएको ३१ वर्षपछि नागेशले कोइराला परिवारको विरासत फर्काएका छन् । ३ जना प्रधानमन्त्री बनाएको कोइराला निवासले तेस्रो मेयर बनाएको छ । 

तरुण दलदेखि मेयरसम्मको नागेशको यात्रा

विराटनगर महानगरपालिकाको मेयरमा निर्वाचित भएका नागेश कोइराला राजनीतिक परिवारका सदस्य हुन् । उनको जन्म २०३० असार ३१ गते भएको हो । उनी ऋषिकेश कोइरालाका नाति र उमेश कोइरालाका छोरा हुन् ।

बीपी कोइराला र गिरिजाप्रसाद कोइराला परिवार भित्रैका नभए पनि उनीहरू नजिकका नातेदार हुन् ।

नेपाली कांग्रेसका वरिष्ठ नेता शेखर कोइराला र नागेशबीच काका–भतिजाको सम्बन्ध छ । 

उनी अस्ट्रेलियामा पढेर नेपाल फर्किएका हुन् । तरुण दल मोरङको कोषाध्यक्ष भएपछि उनी सक्रिय राजनीतिमा आएका हुन् ।

तरुण दलमा आवद्धतापछि उनी नेपाली कांग्रेसको जिल्ला सचिव भए । अहिले उनी मोरङ कांग्रेसका उपसभापति छन् ।

कांग्रेसबाट कसलाई उम्मेदवार बनाउने भन्ने विषयमा लामो विवाद भएको थियो । विवादबीच शेखरले सभापति शेरबहादुर देउवासँग कुनै हालतमा नागेशले टिकट पाउनुपर्ने अड्डी कसेका थिए । शेखरकै अड्डीबीच डिला संग्रौला र अमृत अर्याल सहितका चर्चित नेतालाई पछि पार्दै नागेश मेयरको दौडमा निस्किएका हुन् ।

‘पहिलो निर्णयबाट नै कर घटाउँछु’

विराटनगर महानगरपालिकाको मेयरमा विजयी भएपछि सञ्चारकर्मीसँग कुराकानी गर्दै नागेश कोइरालाले  विराटनगरवासीले चाहेजस्तो विकासको काम गरेर अगाडि बढ्ने बताए । शिक्षा, स्वास्थ्य र सरसफाइलाई ध्यान दिएर आफूले काम गर्ने उनले बताए ।

उनले पार्टीको घोषणापत्र अनुसार काम गरेर देखाउने बताए । मेयर पदमा निर्वाचित भएपछि उनले सबैलाई करको दायरामा ल्याउँदै समयसापेक्ष कर निर्धारण गर्ने बताए ।

‘व्यापार व्यवसायमा अहिले बढेको कर घटाउने छु,’ उनले भने, ‘करको दायरा बढाउने छु ।’

‘नगरवासीहरूको हकहितको लागि विशेष काम गर्छु । बालबालिकाको लागि विभिन्न कार्यक्रम र बेरोजगार युवाहरूको लागि क्षमताको आधारमा कार्यक्रम ल्याउँछु,’ उनले भने, ‘विराटनगरलाई सफा, सुन्दर र सुरक्षित शहर बनाउने छु ।’

को हुन् उपमेयर शिल्पा ?

२०३५ सालमा जन्मेकी शिल्पाले विद्यार्थी राजनीतिबाट राजनीतिक यात्रा तय गरेकी हुन् । शिल्पाले घरेलु तथा साना उद्योग महासंघ मोरङको अध्यक्ष, लाइन्स क्लब तथा रोटरी क्लबको अध्यक्ष, जनपथ माविको विद्यालय व्यवस्थापन समिति, कोशी अञ्चल व्यवस्थापन समिति जस्ता संघसंस्थाको नेतृत्व गरेकी छन् । 

नेकपा एमाले विराटनगर महानगर कमिटी उपाध्यक्ष समेत रहेकी शिल्पा अखिल नेपाल महिला संघ विराटनगर महानगर कमिटी अध्यक्ष समेत हुन् । उनी ‘फेसन डिजाइनर’ समेत हुन् ।

Mega
TATA Below
NLIC
जेठ १०, २०७९

पोखरा महानगरपालिकाको मेयर पदमा नेकपा एकीकृत समाजवादी पार्टीका धनराज आचार्यको जित सुनिश्चित भएको छ । अब गन्न बाँकी मत भन्दा धेरै मतान्तर भएपछि आचार्यको जित सुनिश्चित भएको हो ।  पोखरा महानगरपालिकामा ...

जेठ १६, २०७९

त्रियुगा नगरपालिकाको प्रमुखमा नेपाली कांग्रेस र उपप्रमुखमा नेकपा एमाले विजयी भएको छ । मतगणनाको सोमवार प्राप्त भएको परिणामअनुसार प्रमुखमा कांग्रेसका वसन्तकुमार बस्नेत विजयी भएका छन् । उनले १३ हजार ९५९ मत प्र...

जेठ १२, २०७९

स्थानीय तह निर्वाचनमा १४ हजार ४०२ महिला निर्वाचित भएका छन् । हालसम्म परिणाम सार्वजनिक भएका पालिकाको अन्तिम मतपरिणामका आधारमा निर्विरोधसहित उक्त सङ्ख्यामा महिला निर्वाचित भएका हुन् ।  सो आँकडाका आधारमा ४...

जेठ ९, २०७९

तुलसीपुर उपमहानगरपालिकामा ४९ हजार ३३ मत गणना भएको छ । उपमहानगरको मेयर पदमा नेकपा एमालेका टिकाराम खड्काले २० हजार ८९४ मतसहित अग्रता कायम राखेका छन् । उनका निकटतम प्रतिद्वन्द्वी नेपाली कांग्रेसका गेहेन्...

जेठ १२, २०७९

रुपन्देहीको तिलोत्तमा नगरपालिकामा गठबन्धनको तर्फबाट उम्मेदवार बनेका नेपाली कांग्रेसका रामकृष्ण खाँणले अग्रता कायमै राखेका छन् । सो नगरपालिकामा अब  ८९० मत गन्न बाँकी हुँदा खाँण ८९० नै मतले अगाडि रहेका हु...

जेठ ९, २०७९

दाङको तुल्सीपुर उपमहानगरपालिकाको मेयरमा सत्ता गठबन्धनका उम्मेदवार पछि परेका छन् । ५४१२३ मत गणना सकिँदा एमालेका टिकाराम खड्का २२८५९ मतका साथ अग्रस्थानमा छन् ।  यस्तै सत्ता गठबन्धनबाट काँग्रेसका गेहेन्द्र गिर...

नेपालमा कम्युनिस्ट ध्रुवीकरणको प्रश्न : ‘युनिटी’भन्दा ‘अलाइन्स’ टिक्छ कि !

नेपालमा कम्युनिस्ट ध्रुवीकरणको प्रश्न : ‘युनिटी’भन्दा ‘अलाइन्स’ टिक्छ कि !

असार १६, २०७९

विश्व कम्युनिस्ट आन्दोलनमा कम्युनिस्ट पार्टीहरूको टुटफुट र विभाजनले ठूलो धक्का पुगेको इतिहास हामीसँग छ । नेपालको सन्दर्भमा हेर्ने हो भने ७३ वर्ष पुरानो इतिहास बोकेको नेपाली कम्युनिस्ट पार्टी टुट, फुट, गुट र एकताक...

नेपालमा एमसीसी र एसपीपी : अमेरिकी युद्ध आकांक्षा र मानवीय त्रासदीको खतरा

नेपालमा एमसीसी र एसपीपी : अमेरिकी युद्ध आकांक्षा र मानवीय त्रासदीको खतरा

असार १६, २०७९

चिनियाँ इतिहासमा हान शासनकालको पतन भएपछि ‘चिन राजवंशका’ सम्राट चिन स ह्वाङले एकीकरण गरेको एकीकृत चिनियाँ राज्य दक्षिणमा “ऊ” अधिराज्य, उत्तरमा ‘उई’ अधिराज्य र बीचमा (सिच...

भात खाए मोटाइन्छ ?

भात खाए मोटाइन्छ ?

असार १५, २०७९

धान दिवसका बेला तत्कालीन मन्त्रीहरूले कसैले गमलामा धान रोप्ने, कसैले उपद्रव तथा उच्छृंखल गरी धान दिवस मनाउँदै गर्दा मन्त्री पद समेत गुमाए । असार १५ गते सरकारले धान दिवस मनाएर औपचारिकता निभाउँछ । तथापि सरकार...

ad
x