२७ असार २०८३, शनिबार
सुनसरीको इटहरी उपमहानगरपालिकाको मेयरमा सत्तारुढ गठबन्धनबाट नेपाली कांग्रेसका उम्मेदवार हेमकर्ण पौडेल विजयी भएका छन् ।
निकटतम प्रतिस्पर्धी नेकपा एमालेका उम्मेदवार यामकुमार चुंगवाङ सुब्बालाई ५ हजार १८ मतान्तरले पराजित गर्दै पौडेल विजयी भएका हुन् ।
विजयी पौडेलले ३३ हजार ४९ मत पाएका छन् भने पराजित यामकुमार चुंगवाङ सुब्बाले २८ हजार ३१ मत पाएका छन् ।
उपमेयरमा भने गठबन्धनलाई धक्का लागेको छ । उपमेयरमा नेकपा एमालेकी उम्मेदवार संगीताकुमारी चौधरी निर्वाचित भएकी छन् ।
चौधरीले ३२ हजार ४३६ मत ल्याउँदा निकटतम प्रतिस्पर्धी नेकपा एकीकृत समाजवादीका उम्मेदवार केशवकुमार विष्टले १८ हजार ३१ मत पाएका छन् ।
