०५ साउन २०८३, मंगलबार
सानिमा बैंकले ‘नो डाटा, नो प्रोबलम’ योजना सार्वजनिक गरेको छ ।
यस योजना अन्तर्गत सानिमा बैंकले मोबाइल बैंकिङ्ग सेवा प्रयोग गर्न निःशुल्क इन्टरनेट डाटा उपलब्ध गराउने भएको छ ।
यससँगै अब नेपाल टेलिकम वा एनसेल सिम प्रयोग गर्ने बैंकका ग्राहकहरूले सानिमा मोबाइल बैंकिङ्ग एप प्रयोग गर्न निःशुल्क इन्टरनेट डाटा पाउने बैंकले जनाएको छ ।
मोबाइल बैंकिङ्ग एप प्रयोगकर्ताहरूले एपमा रहेका सबै सेवाहरु जस्तै फन्ड ट्रान्सफर, बिल भुक्तानी, क्यूआर कोड भुक्तानी, मोबाइल टपअप प्रयोग गर्दा असीमित निःशुल्क इन्टरनेट डाटा प्रयोग गर्न पाउने बैंकको भनाइ छ ।
यस योजना सोमवारदेखि लागु भएको बैंकले जनाएको छ ।
डिजिटल बैंकिङ्गको अधिकतम प्रयोग र नगद रहित कारोबारलाई प्रोत्साहन गर्न यो सेवा ल्याएको बैंकले जनाएको छ ।
सानिमा बंैकको देशका सातै प्रदेशमा १२७ वटा कार्यालय तथा १२० वटा एटीएम संचालनमा रहेका छन् ।
