×

X
Nic Asia
Marvel
Khukuri

नेपाली चलचित्रको दुर्दशा

वैशाखयताका दर्जन बढी नेपाली फिल्म फ्लप, ‘कबड्डी ४’बाहेकले किन तान्न सकेनन् दर्शक ?

काठमाडाैं | साउन २६, २०७९

NTC
Argakhanchi Cement
Premier Steels
British college
TVS INSIDE

वैशाखयता एक दर्जनभन्दा बढी नेपाली चलचित्र प्रदर्शनमा आइसकेका छन् । 

DHARA
LAxmi BAnk

वैशाख १ गते झरना थापा निर्देशित चलचित्र ‘ए मेरो हजुर ४’ प्रदर्शनमा आयो । चलचित्रले लगानी त उठायो, तर निकै सकसका साथ ।


Advertisment
NMB BANK
RMC TANSEN
NIC ISLAND BOX

यद्यपि, हलहरूले नेपाली चलचित्रबाट उल्लेख्य व्यापारका लागि भने ‘कबड्डी– ४’ नै कुर्नुपर्‍यो । 

‘ए मेरो हजुर ४’ पछि वैशाख १६ गते चलचित्र ‘मन्त्र’ प्रदर्शनमा आयो । सौगात मल्ल अभिनित यस चलचित्रको व्यापार भने निकै कमजोर रह्यो ।


Advertisment
Bizbazar
Saurya island

वैशाख २३ मा दुईवटा नेपाली चलचित्र एकसाथ प्रदर्शनमा आए, ‘लक्का जवान’ र ‘षट्कोण’ ।

शिवहरि पौड्यालको डेब्यू निर्देशकीय मल्टिस्टारर चलचित्र ‘लक्का जवान’ र कार्म, भोलाराज सापकोटालगायत अभिनित ‘षट्कोण’ गरी दुवै चलचित्र हलमा टिक्न सकेनन् । 

Vianet communication
IME BANK INNEWS

जेठ ६ मा प्रदर्शनमा आएको चलचित्र ‘लाइभ इन एलए’लाई दर्शकले चासो दिएनन् ।

चलचित्र प्रदर्शनमा आएको–उत्रिएको दर्शकले पत्तोसमेत पाएनन् । त्यसपश्चात प्रदर्शनमा आएको हो, रामबाबु गुरुङ निर्देशित चलचित्र ‘कबड्डी ४’ । 

दयाहाङ राई, सौगात मल्ल, मिरुना मगरलगायतको अभिनय रहेको मल्टिस्टारर चलचित्र हेर्न हलमा दर्शकको निकै भीड लाग्यो ।

अन्ततः नेपाली चलचित्रको इतिहासमा हालसम्मकै सर्वाधिक व्यापारको रेकर्ड बनायो, ‘कबड्डी ४’ ले ।

चलचित्रले ‘छक्का पञ्जा’को नाममा रहेको सर्वाधिक व्यापारको रेकर्ड ‘ब्रेक’ गरेको हो । ‘कबड्डी ४’ले नेपाली हलबाट २३ करोड बढीको व्यापार गरेको वितरक गोविन्द शाहीको दाबी छ ।

आधा दर्जन बढी हलमा ५१ दिन मनाएको चलचित्र गत सातासम्म पनि हलमा प्रदर्शनमा थियो । 

‘कबड्डी ४’ पछि चलेनन् नेपाली चलचित्र 

‘कबड्डी–४’ हेर्न हलमा दर्शकको भीड देखिएसँगै वितरक एवं समग्र चलचित्रकर्मीहरूको मुहारमा आशाको किरण देखिएको थियो । तर, त्यो आशा त्यतिबेला ‘निराशा’मा परिणत भयो, जतिबेला आशा गरिएको चलचित्र हेर्न हलमा दर्शकको खडेरी देखियो । 

‘कबड्डी ४’पछि थुप्रै नेपाली चलचित्र प्रदर्शनमा आइसकेका छन् । तर, आशा गरिएका चलचित्रले समेत लगानी उठाउन सकिरहेका छैनन् । चाबहिलमा रहेको ‘एफक्यूब सिनेमाज’का प्रबन्ध निर्देशक रामहरि कोइराला ‘कबड्डी–४’ पछि कुनै पनि चलचित्र राम्रोसँग चल्न नसकेको बताउँछन् ।

‘यतिबेला नेपाली चलचित्रमा त दर्शक छैनन् नै, हिन्दी र अंग्रेजी चलचित्रहरूमा पनि दर्शकहरू छैनन्,’ उनले लोकान्तरसँग भने, ‘कबड्डी ४ पछि कुनै पनि चलचित्र चलेका छैनन् । अधिकांश चलचित्रलाई एक हप्ता धान्न पनि गाह्रो छ ।’

चलचित्र हेर्ने दर्शकको खडेरी नै लागेको देखेर आफूहरू नै अचम्ममा रहेको उनी बताउँछन् । 

अपेक्षा गरिएको चलचित्रमा पर्दथ्यो, ‘चिसो मान्छे’ । मन छुने चलचित्र बनाउने दीपेन्द्र के. खनाल जस्तो निर्देशकद्वारा निर्देशित, स्वस्तिमा खड्का र अर्पण थापाजस्ता कलाकारहरू अभिनित चलचित्रले राम्रो व्यापार गर्ने अपेक्षा गरिएको थियो । अफसोस, असार ३ देखि प्रदर्शनमा आएको चलचित्रको व्यापार सोचेभन्दा उल्टो अर्थात ‘निराशाजनक’ रह्यो । 

असार १० गते सौगात मल्ल र सलोन बस्नेत अभिनित ‘घनचक्कर’ प्रदर्शनमा आयो । चलचित्रले न राम्रो समीक्षा पाउन सक्यो, न हलमा दर्शकहरू नै तान्न सक्यो । 

असार १७ मा ३ दर्जन बढी नेपाली हलहरूमा भोजपुरी चलचित्र ‘रण’ प्रदर्शनमा आयो । यो चलचित्र हलमा दुई दिन पनि टिक्न सकेन । असार २४ मा अर्को आशा गरिएको चलचित्र ‘दोख’ प्रदर्शनमा आयो । ‘रंगमञ्चका गुरू’ मानिने अनुप बराल निर्देशित उक्त चलचित्रले पनि दर्शकलाई हलसम्म तान्न सकेन । 

असार ३१ मा पूजा शर्मा र आकाश श्रेष्ठ अभिनित ‘सम्झना बिर्सना’ र केकी अधिकारी अभिनित ‘सिल्ली फो’ प्रदर्शन भयो । यी दुवै चलचित्र दर्शकको खडेरीका कारण केही दिनमै हलबाट उत्रिए । साउन १३ मा निकै आशा गरिएको चलचित्र ‘पानीफोटो’ प्रदर्शन भयो । 

खगेन्द्र लामिछाने निर्देशित पहिलो चलचित्र भएका कारण पनि ‘पानीफोटो’माथि धेरैको अपेक्षा थियो । तर, यस चलचित्रले पनि गतिलो व्यापार गर्न सकेन ।

चलचित्रका लेखक एवं अभिनेता समेत रहेका लामिछानेले चलचित्रले सोचेजस्तो व्यापार गर्न नसकेको स्वीकार गरे ।  उनले लोकान्तरसँग भने, ‘हेर्ने दर्शकहरूलाई मनपर्‍यो, तर हलतिर सोचेजस्तो माहोल बनाउन सकेन ।’ 

गत शुक्रवारदेखि दुई नेपाली चलचित्र प्रदर्शनमा आएका छन् । नयाँ चलचित्र ‘म’ र यसअघि दुईपटक प्रदर्शन भैसकेको ‘चपली हाइट ३’ हेर्ने दर्शकहरूको संख्या निकै कम छ । धेरै हलबाट यी चलचित्र उत्रिसकेका छन् ।

किन चलिरहेका छैनन् चलचित्र ?

एकपछि अर्को चलचित्र असफल हुँदा प्रदर्शनको तयारीमा रहेका चलचित्रका निर्माता एवं निर्देशक सशंकित छन् । भदौ १७ गतेबाट प्रदर्शनमा आउने तयारीमा रहेको चलचित्र ‘झिंगेदाउ’का निर्देशक ज्ञानेन्द्र देउजा अहिले चलचित्र उद्योग अप्ठ्यारो परिस्थितिमा रहेको बताउँछन् ।

‘मौलिक चलचित्र बनायो, चलिरहेको छैन । कमर्सियल चलचित्र बनायो, त्यो पनि चलिरहेको छैन । दर्शकसँग हामी कनेक्ट नै भइरहेका छैनौं । दर्शकको भावना बुझ्न सकिरहेका छैनौं,’ देउजा भन्छन् ‘हामीले बनाएको चलचित्र, हाम्रो कुरासँग दर्शकहरू किन कनेक्ट भइरहेका छैनन् ? कसरी दर्शकलाई हलसम्म तान्न सकिन्छ भन्नेमा गम्भीर भएर सोच्नुपर्ने अवस्था छ ।’ 

चलचित्र वितरक करण श्रेष्ठ पछिल्लो समय अपेक्षा अनुसारको व्यापार नभएको स्वीकार गर्छन् । उनी हलमा दर्शकको भीड नलागे पनि फरक खालका चलचित्रहरू रिलिज हुँदा नयाँ दर्शकहरू भने आइरहेको बताउँछन् । उनको बुझाइमा कोरोनाका कारण लामो समय घरमा बसेका दर्शकहरू अहिले गम्भीर खालका चलचित्रहरू हेर्न चाहिरहेका छैनन् ।

‘कोभिडका कारण दर्शकहरू लामो समय पीडामा रहे । त्यसबाट भर्खरै बाहिर आएका उनीहरू यतिबेला रमाउन चाहान्छन्,’ श्रेष्ठले भने, ‘त्यसकारण यतिबेला दर्शकलाई मनोरञ्जन दिने खालका चलचित्र चाहिन्छ । हास्ने, हँसाउने, रमाइलो खालका चलचित्र भए चल्छ ।’

उनी मासलाई मनोरञ्जन दिन सक्ने खालको चलचित्र भयो भने चल्ने धारणा राख्छन् । उनी प्रचारप्रसार अभाव, अफसिजन लगायतको कारण देखाउनु भने भ्रम मात्रै रहेको बताउँछन् । 

आउँदो भदौ ३ गतेदेखि प्रदर्शनमा आउने चलचित्र ‘माइकल अधिकारी’बाट पनि दर्शकको मनस्थितिबारे थप बुझ्न सकिने बताउँछन् ।

‘गोपिकृष्ण मुभिजजस्तो चलेको ब्यानर हो । चलचित्र रमाइलो पनि छ । सौगात (मल्ल) र सृष्टि (श्रेष्ठ) जस्ता चलेकै कलाकारहरू छन् । चलचित्रको टे«लर हेर्दा रमाइलो छ,’ उनले भने, ‘चलचित्रले एक खालको माहोल क्रिएट गर्‍यो भने त्यसपछि थप समीक्षा गर्न सकिन्छ ।’ 

लेखक, अभिनेता एवं निर्देशक खगेन्द्र लामिछाने पनि दर्शकहरूलाई गम्भीर खालको चलचित्र हेर्ने रुचि नदेखिएको हो कि भन्ने भान भएको सुनाउँछन् ।  

‘आफ्नो तर्फबाट शतप्रतिशत दिएका थियौं । प्रचार–प्रसार पनि फरक तरिकाले राम्रै गरेका थियौं,’ लामिछाने भन्छन्, ‘तर अहिलेको समयमा दर्शकलाई यस्तो खालको चलचित्र हेर्ने त्यति रुचि नभएको जस्तो लाग्छ । उनीहरूले रमाइलो चलचित्र खोजिरहेको जस्तो लाग्यो ।’

Maruti inside
TATA Below
NLIC
ncc inside
असोज १७, २०७९

मोडलिङ क्षेत्रमा परिचित नाम अदिति बुढाथोकी अभिनयमा सक्रियता बढाउँदै छिन् । नेपाली चलचित्र ‘कृ’ मार्फत अभिनयमा डेब्यु गरेकी अदिति अभिनित दोस्रो फिल्म ‘बाबरी’ प्रदर्शनरत छ ।  भार...

असोज १६, २०७९

चलचित्र ‘प्रेमगीत ३’ले दोस्रो सातामा पनि उत्साहजनक व्यापार गरिरहेको छ । शुक्रवारदेखि दोस्रो सातामा प्रवेश गरेको चलचित्र हेर्न हलमा दर्शकको उपस्थिति बाक्लो छ । दोस्रो सातामा शुक्रवार र शनिवार चलचित्रले ...

असोज १७, २०७९

दशैंको माहोलले प्रायलाई छोइसकेको छ । सर्वसाधारणमात्र होइन्, कलाकारहरू पनि दशैंको माहोलमा समाहित भईसकेका छन् ।  कोरोनाका कारण पछिल्ला तीन वर्षको दशैंमा स्टेज कार्यक्रमका गतिविधिहरू न्यून थिए । यसवर्ष...

असोज १७, २०७९

बलिउड अभिनेता ऋतिक रोशन नवरात्रिको समयमा एक मन्दिरमा पुग्छन् ।  त्यहाँ गायिका फाल्गुनी पाठकसँग उनी मस्त नाच्छन् ।  उनको यो दृश्य एक भिडियोमा कैद भएको छ । जुन भिडियो अहिले सामाजिक सञ्जालमा भ...

असोज १६, २०७९

पल शाह र पूजा शर्मा अभिनित फिल्म ‘म यस्तो गीत गाउँछु २’ युट्युबमा सार्वजनिक गरिएको छ । सुदर्शन थापाको लेखन एवं निर्देशन रहेको फिल्म गत वर्षको फागुनमा देशव्यापी प्रदर्शनमा आएको थियो ।  प्रेम ...

असोज १६, २०७९

हिन्दी सिनेमाका ‘मिस्टर परफेक्शनिस्ट’ भनिने अभिनेता आमिर खान कुनै न कुनै कारणले प्रायः चर्चामा रहन्छन् । आमिरले आफ्नो करियरमा धेरै सुपरहिट फिल्म दिएका छन् । आफ्नो फिल्ममा दमदार अभिनयका लागि परिचित आ...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

ad
x