नेपालको सबैभन्दा लोकप्रिय बियर ब्रान्ड टुबोर्ग र संगीतको धेरै वर्षदेखि निकै गहिरो सम्बन्ध चलिरहेको छ । टुबोर्गले सधै संगीत क्षेत्रको उत्थानका लागि काम गर्दै आइरहेको छ । विगत ५ वर्षदेखि टुबोर्गले टुबोर्ग ओपेन क्याम्पेनद्वारा निरन्तर कैयौँ राष्ट्रिय तथा अन्तराष्ट्रिय कलाकारहरू संलग्न भई संगीत क्षेत्रलाई उत्थान गर्दै आइरहेका छन् ।

टुबोर्गले नेपालमा मात्र नभई भारत, चीन, टर्की, सर्बियालगायत अन्य देशहरूमा पनि टुबोर्ग ओपेन क्याम्पेनमार्फत राष्ट्रिय तथा अन्तराष्ट्रिय कलाकारलाई जोडेर नयाँ संगीत सृजना गर्दै आइरहेको छ । टुबोर्ग ओपेन अभियान टुबोर्ग उत्पादन फैलिएका विभिन्न देशमा छैटौं पटक हुदै छ । नेपालमा यो पाँचौ पटक हुने छ ।

यो वर्ष ‘टेक द स्टेज’ नारासहित टुबोर्ग ओपेन हुँदै छ । जसमा अन्तराष्ट्रिय विश्वप्रख्यात कलाकारले स्वदेशी कलाकारलाई मेन्टरशीप प्रदान गरी उनीहरूलाई संगीतको मूल भाव र एउटा लोकप्रिय कलाकार कसरी बन्ने भनी मार्गदर्शन गर्ने गरेका छन् ।

टुबोर्गले यसपटक लोकप्रिय अमेरिकन संगीतकर्मी जेसन डेरुलोलाई टुबोर्ग ओपनमा जोडेको छ । यो अभियानमा नेपालबाट यसवर्ष उदयीमान कलाकार भेक जोडिएका छन् । जेसन डेरुलो अमेरिकी गायक तथा गीतकार हुन् ।  उनले आफ्नो पहिलो एकल गीतबाटै अन्तर्राष्ट्रिय ख्याति कमाएका थिए भने उनको सो गीत अमेरिका र न्यूजील्याण्डमा नम्बर एकमा पुग्न सफल भएको थियो । उनका थुप्रै गीत हिट छन् । जसमध्ये केही हिट गीत जलेबी बेबी, स्वाला, सेभेज लभ आदि हुन् । 
भेक नेपाली सांगितीक आकाशमा पछिल्लो पुस्ताका उदयीमान लोकप्रिय संगीतकर्मी हुन् । उनले पनि छोटो समयमै लोभलाग्दो लोकप्रियतासँगै क्रेज कमाएका छन् । उनको सबैभन्दा चर्चित गीतहरू मध्ये ‘एक्लै जिउन सिके, मायालु, लै बरी लैे’लगायत छन् । 

गत महिना जसेन डेरुलोसँग अमेरिकाको लस एन्जलसमा टुबोर्ग ओपेन २०२२ को एमर्जिङ कलाकार भेकले मेन्टरशिप प्राप्त गरी नेपाल फर्किसकेका छन् । यो वर्षको लागि भेकले आफ्नो मेन्टरशिपद्वारा सिकेका ज्ञानहरूले एउटा नयाँ गीत बनाउने बताएका छन् । उनको नयाँ गीत केही महिनामा बजारमा उपलब्ध बताइएको छ । 

गोर्खा ब्रुअरीका मर्केटिङ डाइरेक्टर आशिष बिस्टले टुबोर्ग र संगीतको नाता नेपाली सांगीतक क्षेत्रमा एकदम गहिरो रहेको बताएका छन् । उनले कैयौँ वर्षदेखि यो अटुट सम्बन्ध अझै पनि कायम रहेको बताउँदै संगीतको सबै विधासँग टुबोर्गले सहकार्य गर्दै आएरहेको बर्ता । ‘चाहे रक होस्, क्लासिक होस्, दोहोरी होस् अथवा ई.डि.म नै होस्, टुबोर्गले सधै संगीतलाई समर्थन गर्दै आएको छ । यो पालि पनि सोही सम्बन्धलाई अगाडि लगी टुबोर्गले संगीतद्वारा देश तथा विदेशमा रहेका कलाकारहरूलाई जोड्न सफल भएको छ’, उनले भने ।