फोटोन ट्युनल्याण्ड इ, ट्युनल्याण्ड एसजीको अत्याधिक सफलतापश्चात् नयाँ संस्करण ट्युनल्याण्ड इ प्लस बजारमा ल्याइएको छ । ग्राहकहरूको मागलाई मध्यनजर राखेर फोटोन मोटर्स नेपालले आफ्नो नयाँ संस्करण ट्युनल्याण्ड इ प्लस बजारमा उपलब्ध गराएको हो । 

नेपालको पिकअप बजारमा सर्वोच्चता प्रदान गर्न सम्पूर्ण नयाँ ट्युनल्याण्ड इ प्लस शक्ति, कार्यक्षमता र विश्वसनीयताको अद्भूत संयोजनसहित पिकअप समूहमा खेल परिवर्तन गर्ने स्तरोन्नतिहरूका साथ नेपाली बजारमा प्रवेश गरेको छ ।

अधिक कार्यक्षमताको लागि फोटोन ट्युनल्याण्ड इ प्लस सवारी निर्माणको क्षेत्रका केही उल्लेखनीय प्रविधिहरूका साथ सञ्चालन गरिएको कम्पनीले जनाएको छ । स्तरोन्नति पश्चात पिकअपले सम्पूर्ण नयाँ २.० एल इनलाइन, ३६०० आरपिएमकमा १४९.५५ को एक अद्वितीय शक्ति उत्पादन गर्ने तथा १८०० र ३००० आरपिएमको बीच ३२० एनएमको अधिकतम टर्क दिने ४– सिलिण्डरको इन्जिन र ६– स्पीडयुक्त मानवचालित ट्रान्समिसनले यसलाई जुनसुकै किसिमको भूभागको लागि उपयुक्त बनाएको छ ।

ट्युनल्याण्ड इ प्लसमा इलेक्ट्रिक ब्रेक वितरण प्रणाली भएको थप विस्तारित ब्रेकिङ प्रणाली एबिएस पनि रहेको छ । कम्पनीका अनुसार, इबिडि प्रणालीसहितको एबिएसले गाडीको पांग्रामा भारको परिमाण अनुमान गर्न हरेक पांग्राको छिटो गति वा ढिलो गतिको जाँच गर्दछ, जसले गर्दा चुनौतीपूर्ण अवस्थामा ब्रेक लगाउनुपर्दा स्टेयरिङलाई बढी नियन्त्रण गर्न सकिन्छ र केही परिस्थितिहरू जस्तै गिलो सडकमा रोक्नको लागि दूरी कम गर्न मद्दत गर्छ ।

मुख्य स्तरोन्नतिहरूका अतिरिक्त सम्पूर्ण नयाँ शक्तिशाली ट्युनल्याण्ड इ प्लसले १ हजार ५० केजीसम्मको भार बहन गर्न सक्ने क्षमता राख्दछ भने यसको ग्राउण्ड क्लियरेन्स २२० एमएम भएकोले यो सबै खाले कार्यहरूको लागि एवं नेपाली भौगोलिक बनावट सुहाउँदो पिक अप सावित भएको छ ।

यसमा जडान गरिएको उत्कृष्ट टच स्क्रिन रियरभ्यू क्यामरा एक अर्को नमूनारुपी उपकरण हो, जसले यस शक्तिशाली पिक अपको पछाडिको दृश्यावलोकन गर्न, ठक्कर नलाग्ने गरी पछाडि सार्न एवं पार्किङको समयमा आत्मविश्वास जगाउन ठूलो मद्दत गर्दछ ।

फोटोन ट्युनल्याण्ड इ प्लस स्पोर्टसले आफ्नो शक्तिशाली बनावटमा धेरै चित्ताकर्षक डिजाइनहरू प्नि प्राप्त गरेको छ । अग्रभागको केन्द्रमा फोटोन लोगोयुक्त ठूलो ३ धर्के क्रोम गरिएको ग्रिल राखिएको छ । प्रोजेक्टर हेडल्याम्प र सूचकहरू एउटै हाउजिङमा एकीकृत गरिएका छन् । 

यसमा थप नयाँ परिवर्तन स्वरुप एलइडि डिआरएलहरु सबै नयाँ राखिएका छन् । पिकअपमा रनिङ बोर्ड, क्ल्याम्पर, एन्टी–रोल ओभर बार र बेड लाइनरलगायतका धेरै उत्कृष्ट उपकरणहरू पनि रहेको कम्पनीले जनाएको छ ।

बिल्कुलै नयाँ फोटोन इ प्लस ग्राहकहरुले चाहे जस्तै शक्ति, कार्य क्षमता र बनावटको एक जोडदार पिकअप भएको भनी कम्पनीले दाबी गरेको छ ।