२७ असार २०८३, शनिबार
स्वास्थ्य क्षेत्रमा सुधारको माग राख्दै २० औँ पटक अनसनमा बसिरहेका डा. गोविन्द केसीलाई काठमाडौं ल्याइने भएको छ । पछिल्लोपटक ९ दिनदेखि धनगढीमा अनसन बसिरहेका डा. केसीको स्वास्थ्यमा समस्या देखिएपछि थप उपचारका लागि काठमाडौं ल्याउने तयारी गरिएको हो ।
उनलाई नेपाली सेनाको स्काई ट्रकमार्फत काठमाडौं ल्याउने तयारी भइरहेको छ । उनी उपचाररत सेती प्रादेशिक अस्पतालका चिकित्सकले डा.केसीको पेटमा कडा खालको अल्सरको लक्षण देखिएपछि काठमाडौं पठाउन सुझाव दिएका थिए ।
सेती प्रादेशिक अस्पतालका चिकित्सकहरू सल्लाहअनुसार डा. केसीलाई सेनाको हेलिकप्टरमार्फत काठमाडौं पठाउने तयारी गरेको जिल्ला प्रशासनले कार्यालय कैलालीले जानकारी दिएको छ ।
धनगढीस्थित गीता सत्संग समितिको धर्मशालामा अनसन बसेका केसीलाई गएको बुधवार स्वास्थ्यमा समस्या देखिएपछि सेती प्रादेशिक अस्पतालको वार्डमा सारिएको थियो ।
डा. केसीले यसअघि १९ पटक संघीय राजधानी काठमाडौं तथा देशका अन्य भागमा पुगी अनसन बसिसकेका छन् ।
