महानगर यातायात प्रालिले १० थान टाटा एलपीओ बस सञ्चालनमा ल्याएको छ ।

काठमाडौं उपत्यकाको चक्रपथ परिक्रमामा निरन्तर सेवा दिँदै आएको यस यातायातले घटस्थापनाको  दिन पारेर १० थान टाटा एल. पी. ओ. ८.५ अल्ट्रा बस थप गरी सञ्चालनमा ल्याएको हो ।

कम्पनीले यसअघि ९ थान सुविधा सम्पन्न र आधुनिक प्रविधि जडित  यात्रुवाहक बस संचालन गर्दै आएको थियो ।

सिप्रदी ट्रेडिङ्गका प्रमुख प्रबन्धक कृष्ण चन्दका अनुसार टाटा मोटर्सद्वारा उत्पादित यस बसमा १४० हर्ष पावरको शक्तिशाली इन्जिन रहेको छ ।

हाइ व्यक सिट, मिडल डोर तथा पराबोलिक लिफ स्प्रिंग सस्पेन्सन रहेको यस गाडीले आरामदायी यात्रा सुनिश्चित गर्छ । 

यसको बडी भने बडी निर्माण कम्पनी मार्कोपोलोद्वारा गरिएको छ ।