०२ साउन २०८३, शनिबार
लोकगायक अर्जुन सापकोटाले नयाँ गीत सार्वजनिक गरेका छन् ।
आफ्नै शब्द, संगीत र एकल स्वरमा उनले बुधबार ‘ए ठुली’ बोलको प्रेमगीत सार्वजनिक गरेका हुन् ।
यो गीतको भिडियोमा अर्जुनले अभिनय समेत गरेका छन् ।
सुनिल परियारको एरेन्ज रहेको गीत अर्जुनको यसअघिका गीतहरूभन्दा विल्कुलै फरक छ ।
जेरी भण्डारीको कथा एवं निर्देशनमा तयार भिडियोमा अर्जुन र क्रिष्टल सापकोटाको अभिनय हेर्न सकिन्छ ।
करन चैसिर र दीपक गिरीको छायाँकन रहेको भिडियोलाई सुजन कोइरालाले सम्पादन गरेका छन् । गायक एवं सर्जक अर्जुनका ‘बनकी चरी’, ‘पछयौरी लिस्यो’, ‘नगर पीर मया’, ‘पिरति नलाम मया’ लगायतका गीतहरूलाई श्रोता दर्शकले रुचाएका छन् ।
नयाँ गीत ‘ए ठुली’ हेरेर प्रतिक्रिया दिन समेत अर्जुनले आग्रह गरेका छन् ।
अर्जुनको आफ्नै अफिसियल युट्युब च्यानलमार्फत भिडियो सार्वजनिक भएको हो ।
