धितोपत्र बजारमा शेयर कारोबार मापक नेप्से परिसूचक २५ दशमलव ५७ अंकले उकालो लागेर १ हजार ९३६ दशमलव ८३ मा पुगेको छ । निर्वाचनको माहोल अन्तिम चरणमा पुगेसँगै नेप्सेमा सकारात्मक प्रभाव देखिएको हो ।

ठूला कम्पनीको कारोबार मापन गर्ने सेन्सेटिभ परिसूचक ४ दशमलव ४९ अंकले उकालो लागेर ३८१ दशमलव ०६ मा पुगेको छ । कूल २२३ कम्पनीको ४३ लाख ८४ हजार ४ कित्ता शेयर १ अर्ब ७१ करोड ५४ लाख १९ हजार २८६ बराबरको कारोबार भयो ।

बिहीवारको कारोबारपछि बजार पूँजीकरण २७ खर्ब ८६ अर्ब २ करोड ३४ लाख ५१ हजार ३८७ बराबर रहेको छ ।

नेप्सेका अनुसार कारोबार भएका कूल १३ उपसमूहकै शेयर मूल्य उकालो लागेको छ । कारोबारका आधारमा रिडी पावर कम्पनी शीर्ष स्थानमा छ । सो कम्पनीको १४ करोड ३९ लाख १५ हजार ९७२ रुपैयाँ बराबरको कारोबार भयो ।

शिवम् सिमेन्ट १३ करोड ४० लाख २७ हजार २८८, हिमालयन डिस्टिलरी १० करोड २९ लाख ६३ हजार ८७३, फरवार्ड माइक्रोफाइनान्स ७ करोड ९० लाख ६५ हजार २७४ र हिमालयन पावर पार्टनर ६ करोड १३ लाख २६ हजार ८३२ बराबरको कारोबार भई शीर्ष ५ भित्र पर्न सफल भएका छन् ।  

नेप्सेका अनुसार सिकेलेस हाइड्रोपावर र सयपत्री हाइड्रोपावरको शेयर मूल्यमा १० प्रतिशतले वृद्धि भई सकारात्मक सर्किट लागेको छ । बोटलर्स नेपाल तराई ७ दशमलव ५१, रिडी पावर कम्पनी ६ दशमलव ०३ र पञ्चकन्या माई हाइड्रोपावरका लगानीकर्ताले ५ दशमलव ९९ प्रतिशतले कमाएका छन् ।

फरवार्ड माइक्रोफाइनान्स २ दशमलव ९७, इमर्जिङ नेपाल १ दशमलव ८७, तारागाउँ रिजेन्सी होटल १ दशमलव ६९, समता घरेलु लघुवित्त १ दशमलव ४० र युनिलिभर नेपालका लगानीकर्ताले ० दशमलव ९६ प्रतिशतले गुमाएका छन् ।