त्रिभुवन विश्वाविद्यालयले बीए एलएलबी प्रवेश परीक्षाको नतिजा सार्वजनिक गरेको छ । त्रिवि कानुन संस्कायले गत मंसिर १७ गते बीए एलएबीको प्रथम सेमेस्टरमा भर्नाका लागि प्रवेश परीक्षा लिएको थियो । 
जसअनुसार लिखित परीक्षामा सहभागी भएकामध्येबाट नेपाल ल क्याम्पसका लागि १०५, पृथ्वीनारायण क्याम्पसका लागि ७० र नेशनल ल कलेजका लागि १०५ गरी कुल २८० जना उत्तीर्ण भएका हुन् । 

त्रिवि कानुन संकायका डीन कृष्ण प्रसाद बस्यालले सम्बन्धित कलेजहरुलाई विद्यार्थी भर्ना गर्नका लागि अर्को सूचना पर्खिन सूचित गरेका छन् । यस्तै रोल नम्बर ८०४२६ र ८०७०८ का विद्यार्थीहरुको परीक्षाफल रद्द गरिएको पनि सूचनामा उल्लेख छ ।