काठमाडौं, ९ भदौं— गायक रामकृष्ण ढकालले नेपाल आइडलका प्रतिस्पर्धी निशान भट्टराईको तारिफ गरेका छन् । निशान प्रतिभाशाली गायक भएको भन्दै उनी नेपाल आइडलको लागि योग्य प्रतिस्पर्धी भएको पाहुना जजका रुपमा उपस्थित भएका ढकालले बताए ।
आइडलको शुक्रबारको प्रस्तुतिमा निशानले अर्की प्रतिस्पर्धी सुजाता पाण्डेसँग ढकालले लता मंगेश्करसँग गाएको बाचुन्जेललाई बोलको गीत प्रस्तुत गरेका थिए ।
सो लगत्तै निशानको प्रसंशा गर्दै ढकालले निशानले नेपाल आइडलबाट आफ्नो खुबीलाई प्रमाणित गरिसकेको भन्दै भोटिङ गर्दा आफ्नालाई भन्दा पनि राम्रालाई भोट गर्न आम दर्शकसँग आग्रह गरे । उनले यतिमात्रै भनेनन् आफूलाई गायकीको हिसावले निशान निकै मत पर्ने भन्दै उनलाई नै भोट हाल्ने बताए ।
उनले निशानमाथि कमेन्ट गर्दा सुजाता पाण्डेको लागि भने उत्साहजनक रहेन ।