२२ असार २०८३, सोमबार
सुस्मिता सेनले हालै सामाजिक सञ्जालमार्फत आफूलाई हृदयघात भएको बताएकी थिइन् । २७ फेब्रुअरीमा उनलाई मुम्बईको नानावती अस्पतालमा भर्ना गरिएको थियो । सोही दिन उनको एन्जियोप्लास्टी पनि गरिएको थियो ।
उनी मार्च १ मा अस्पतालबाट डिस्चार्ज भएकी थिइन्।
अस्पतालबाट निस्किएपछि २ मार्चमा सुस्मिताले आफ्नो रोगबारे सबैलाई भनेकी थिइन्।
सुस्मिता आफ्नो एउटा प्रोजेक्टको सुटिङ गरिरहेकी थिइन् । सोही ठाउँमा उनी ढलेकी थिइन्। त्यहाँ उपस्थित चिकित्सकले उनको छाती जाँच गरेका थिए। त्यहाँबाट उनलाई तत्काल अस्पताल लगिएको थियो । त्यहाँ मुटुका डाक्टरले उनलाई एन्जियोप्लास्टी गर्न सल्लाह दिएका थिए ।
सुस्मिता सेन ४७ वर्षकी भइन् । उनी सधैं फिट रहने गर्छिन् । उनलाई बलिउडकी सबैभन्दा फिट अभिनेत्री पनि मानिन्छ। उनले सामाजिक सञ्जालमा फिटनेसका भिडियो पनि सेयर गर्ने गरेकी छन्। तर उनलाई नै हृदयघात भएको छ।
